జయభేరి, హైదరాబాద్ :
ఏడు దశాబ్దాల చరిత్ర కలిగిన భారత ప్రజాస్వామ్య వ్యవస్థలో అధికారం కొన్ని ప్రధాన పార్టీల కేరాఫ్ అడ్రస్ గా మారిపోయింది. ఆ కొన్ని పార్టీలు అగ్రవర్ణాల ధనవంతుల ఆధీనంలో ఉంచుకొని బహుళ సంఖ్యాకులైన బీసీ, ఎస్సీ, ఎస్టీ, మైనార్టీలు, పేద అగ్రకులాల వారికి ప్రాధాన్యత కల్పించకుండా వారిని అధికారానికి దూరంగా పెడుతూ వంచిస్తున్నారు. రాజకీయం అంటేనే డబ్బుతో కూడిన వ్యవహారమనే ధోరణికి ప్రజల ఆలోచనా విధానాన్ని మార్చి, తమకు అనుకూలంగా వ్యవస్థను మలచుకున్నారు. వారి గుత్తాధిపత్యానికి వ్యతిరేకంగా, బహుళ సంఖ్యాకులందరికి అధికారంలో భాగస్వామ్యం కల్పించాలనే సంకల్పంతో డా. ఈడా శేషగిరిరావు గౌడ్ 'ఆదార్ పార్టీ ( అలయన్స్ ఆఫ్ డెమోక్రటిక్ రిఫార్మ్స్ పార్టీ)ని స్థాపించారు.
యువతకు రాజకీయాలపట్ల ఆసక్తి, అవగాహన పెంపొందించాలని, ప్రధాన పార్టీల్లోని కుటుంబ పాలనను అంతమొందించాలనే సంకల్పంతో సదరన్ పొలిటికల్ అకాడమీని స్థాపించారు. అకాడమీ ద్వారా గత 3 సంవత్సరాలుగా రాజ్యంగం, ఎన్నికల వ్యవస్థ, పరిపాలనా విషయాలు, నాయకత్వ లక్షణాలు తదితర అంశాలపై పలు వర్క్ షాప్స్, సెమినార్స్, శిక్షణా తరగతులను విశ్వవిద్యాలయాల్లోనూ, ఇతర వేదికల్లోను నిర్వహించారు. ఇందులో అవగాహన, శిక్షణ పొందిన యువతను ప్రోత్సహించాలనే ఉద్దేశ్యంతో, బీసీ తదితర వర్గాల వారికి కూడా అధికారంలో భాగస్వామ్యాన్ని కల్పించాలని 'ఆధార్ పార్టీ'ని స్థాపించి, 2023లో జరిగిన అసెంబ్లీ ఎన్నికల్లో జనాభా దామాషా ప్రకారం యువతకు, అందులో మహిళలకు 33 శాతం సీట్లను కేటాయిస్తూ ఎన్నికల్లో పోటి చేయించారు.
27-5-2024న జరిగే వరంగల్ - ఖమ్మం-నల్లగొండ పట్టభద్రుల నియోజకవర్గం (ఎమ్మెల్సీ) ఉప ఎన్నికల బ్యాలెట్ పేపర్ లో డా. ఈడా శేషగిరిరావు గౌడ్ గారి సీరియల్ నెం.12 పై వారికి మొదటి ప్రాధాన్యతా ఓటును వేసి గెలిపించుకోవాల్సిన బాధ్యత విజ్ఞత, ముందుచూపు కలిగిన విద్యావంతులైన వరంగల్, ఖమ్మం, నల్లగొండ ఓటర్లకు ఉంది. కావున విద్యావంతులు, న్యాయశాస్త్రం, రాజ్యాంగంపట్ల అపారమైన పరిజ్ఞానం కలిగి సమస్యలపై సరైన వాణిని వినిపించి, పరిష్కారాన్ని చూపే డా. ఈడా శేషగిరి రావుగౌడ్ గారికి మొదటి ప్రాధాన్యతా ఓటు వేసి గెలిపించుకోవాలి.
- ఎమ్. రఘునాథ్ గౌడ్
కోశాధికారి, సదరన్ పొలిటికల్ అకాడమీ
