జయభేరి, సైదాపూర్ : తెలంగాణ సంస్కృతీ సంప్రదాయాలకు ప్రతిబింబంగా నిలిచే ఈ పండుగ ప్రస్తుతం దేశంలోనే కాకుండా విదేశాలలోనూ ప్రఖ్యాతిని పొందింది. ఈ తొమ్మిది రోజుల పాటు మహిళలు ప్రతి రోజు వైవిధ్యమైన బతుకమ్మను పేర్చుకుని పండుగ సంబరాలు నిర్వహిస్తారు. ఎంగిలి పూల బతుకమ్మతో ప్రారంభమై, సద్దుల బతుకమ్మతో ముగుస్తుంది. అలిగిన బతుకమ్మకు, ఒక రోజు మినహాయించి, మిగతా ఎనిమిది రోజులు వైవిధ్యమైన నైవేద్యాలు అమ్మవారికి సమర్పిస్తారు. తీరోక్క పూలను అందంగా స్తూపం, శంఖం, గోపురం ఆకారంలో అమర్చడం జరుగుతుంది.
కరీంనగర్ జిల్లా సైదాపూర్ మండల్ దుద్దనపల్లిలో హనుమాన్ టెంపుల్ వద్ద అంగరంగ వైభవంగా ఎంగిలిపూల బతుకమ్మ ఆట పాటలతో సందడి సందడిగా ఆనందోత్సవాలతో పిల్లలు పెద్దలు అధిక సంఖ్యలో పాల్గొని... బతుకమ్మ సంతోషాలు గిరిజంతో ఆడపడుచులు బతుకమ్మ పాటలతో వారి ఆనందాలకు అవధులు లేకుండా... సంతోషకరంగా బతుకమ్మను చెప్పట్లతో బతుకమ్మ పాటలతో కొనసాగిస్తున్నారు...
