Smriti Mandhana.. RCB అమ్మాయిలు మ్యాచ్‌ను ఘనంగా జరుపుకున్నారు. కెప్టెన్ స్మృతి మంధాన తన ప్రియుడు పలాస్ ముచల్‌తో కలిసి ట్రోఫీతో ఫోటోలకు ఫోజులిచ్చింది. అబ్బాయిలు చేయలేని పనిని అమ్మాయిలు చేసారు. మహిళల ప్రీమియర్ లీగ్‌లో రాయల్ ఛాలెంజర్స్ బెంగళూరు జట్టు సత్తా చాటింది. స్మృతి మంధాన నేతృత్వంలోని RCB అమ్మాయిలు IPL టైటిల్‌ను గెలుచుకున్నారు. మహిళల ప్రీమియర్ లీగ్ రెండో సీజన్‌లో బెంగళూరు ఛాంపియన్‌గా నిలిచింది. ఢిల్లీ క్యాపిటల్స్‌తో జరిగిన ఫైనల్లో RCB 8 వికెట్ల తేడాతో విజయం సాధించింది.

114 పరుగుల విజయలక్ష్యంతో బరిలోకి దిగిన బెంగళూరు 19.3 ఓవర్లలోనే ఛేదించింది. ఎల్లీస్ పెర్రీ (35*; 37 బంతుల్లో) కీలక ఇన్నింగ్స్ ఆడింది. రిచా ఘోష్ (17*; 14 బంతుల్లో) తొలుత బ్యాటింగ్ చేసిన ఢిల్లీ క్యాపిటల్స్ శ్రేయాంక పాటిల్ (4/12) ధాటికి 18.3 ఓవర్లలో 113 పరుగులకు ఆలౌటైంది. షెఫాలీ వర్మ (44; 27 బంతుల్లో) టాప్ స్కోరర్‌గా నిలిచింది. మ్యాచ్ విజయాన్ని ఆర్సీబీ అమ్మాయిలు ఘనంగా జరుపుకున్నారు. కెప్టెన్ స్మృతి మంధాన తన ప్రియుడు పలాస్ ముచల్‌తో కలిసి ట్రోఫీతో ఫోటోలకు ఫోజులిచ్చింది. దీనికి సంబంధించిన పిక్స్ సోషల్ మీడియాలో వైరల్ అయ్యాయి. వీరిద్దరూ గత కొంతకాలంగా డేటింగ్‌లో ఉన్నారు. దీంతో నెటిజన్లు ఎవరా అని సెర్చ్ చేస్తున్నారు.

పలాస్ బాలీవుడ్‌లో విజయవంతమైన సంగీత దర్శకుడు. ఓ ఈవెంట్‌లో వీరిద్దరి పరిచయం ప్రేమగా మారింది. గతేడాది స్మృతి మంధాన పుట్టినరోజు (జూలై 16) సందర్భంగా పలాష్ క్రికెటర్‌తో కలిసి దిగిన ఫొటోను కూడా షేర్ చేశాడు. ఆమెకు పుట్టినరోజు శుభాకాంక్షలు. పలాష్ ముచల్ చేతిపై పచ్చబొట్టు ఉంది. పలాష్ చేయి పచ్చబొట్టు దానిపై SM18 అని వ్రాయబడింది. SM అంటే స్మృతి మంధాన అని మరియు 18 ఆమె జెర్సీ నంబర్ అని చాలా మీడియా నివేదికలు పేర్కొన్నాయి. త్వరలో ఈ జంట పెళ్లి పీటలు ఎక్కనున్నట్లు సమాచారం. పలాష్ ముచల్ సినిమా దర్శకుడు, రచయిత, సంగీత స్వరకర్త, గాయకుడు, గీత రచయిత. డిష్కియావూన్ చిత్రానికి పలాష్ సంగీతం అందించారు. ఇది అతని తొలి చిత్రం. పలాష్ భూత్‌నాథ్ రిటర్న్స్‌కి కూడా సంగీతం అందించాడు. ఈ చిత్రంలోని 'పార్టీ తో బంటీ హై' పాట కూడా బాగా ఫేమస్ అయింది. దీంతో పాటు.. ‘ఖేలే హమ్ జీ జాన్ సే’ సినిమాలో కూడా పలాష్ నటించాడు. అభిషేక్ బచ్చన్, దీపికా పదుకొణె నటించిన ఈ చిత్రానికి అశుతోష్ గోవారికర్ దర్శకత్వం వహించారు.

పలాష్ యొక్క అనేక మ్యూజిక్ వీడియోలు కూడా బాగా ప్రాచుర్యం పొందాయి. రాజ్‌పాల్ యాదవ్, రుబీనా దిలైక్ జంటగా పలాష్ ముచ్చల్ 'అర్ధ్' చిత్రాన్ని రూపొందించారు.  అతను బాలీవుడ్‌లో అతి పిన్న వయస్కుడైన సంగీత స్వరకర్తగా 'గోల్డెన్ బుక్ ఆఫ్ వరల్డ్ రికార్డ్స్'లో తన పేరును నమోదు చేసుకున్నాడు.