సౌత్ టాప్ డైరెక్టర్ శంకర్ కూతురు పెళ్లి చెన్నైలో అంగరంగ వైభవంగా జరిగింది. ఈ వేడుకకు తమిళం, తారాలోకం వచ్చాయి. తన దగ్గర అసిస్టెంట్ డైరెక్టర్ గా ఉన్న తరుణ్ కార్తికేయన్ పెద్ద కూతురు ఐశ్వర్యతో రెండు నెలల క్రితం నిశ్చితార్థం జరిగిన సంగతి తెలిసిందే!
సోమవారం వారిద్దరూ మూడు ముళ్ల బంధంతో ఒక్కటయ్యారు. ఈ వివాహ వేడుకలో టాలీవుడ్ మెగాస్టార్ చిరజీవి సందడి చేశారు. ఆయన సతీమణి సురేఖతో కలిసి హాజరయ్యారు. నూతన దంపతులకు ఆశీస్సులు అందజేశారు. ఈ వేడుకలో రామ్ చరణ్, ఉపాసన దంపతులు కూడా పాల్గొన్నారు. ఈ ఫోటోలు ఇప్పుడు వైరల్ అవుతున్నాయి.అతి కొద్ది మంది సమక్షంలో జరిగిన ఈ వివాహ వేడుకకు తమిళ ఇండస్ట్రీలోని ప్రముఖ నటీనటులందరూ హాజరై నూతన వధూవరులను ఆశీర్వదించారు. రజనీకాంత్, కమల్ హాసన్, విక్రమ్, సూర్య, కార్తీ, నయనతార, మణిరత్నం, సుహాసిని, భారతి రాజా, తమిళనాడు ముఖ్యమంత్రి స్టాలిన్ తదితరులు పాల్గొన్నారు.
ప్రస్తుతం రామ్ చరణ్ శంకర్ దర్శకత్వంలో గేమ్ ఛేంజర్ సినిమాలో నటిస్తున్నాడు. భారీ స్థాయిలో రూపొందుతున్న ఈ సినిమా షూటింగ్ పూర్తయింది. సెప్టెంబర్, అక్టోబర్లో ఈ చిత్రాన్ని విడుదల చేసేందుకు సన్నాహాలు చేస్తున్నారు.
