జగ్గయ్యపేటలో డయేరియాపై మున్సిపల్ కార్యాలయంలో అధికారులతో సమీక్ష నిర్వహించాను. డయేరియా ప్రబలడానికి కారణాలు తెలుసుకుని.. తాజా పరిస్థితులు, తీసుకోవాల్సిన జాగ్రత్తలపై అధికారులతో చర్చించాను. తక్షణం తీసుకోవాల్సిన చర్యలపై తగు ఆదేశాలు ఇచ్చాను. సీజనల్ వ్యాధుల కట్టడిలో నిర్లక్ష్యం వద్దని, అన్ని జాగ్రత్తలు తీసుకోవాలని సూచించాను. పారిశుద్ధ్యంపై ప్రత్యేకంగా దృష్టి సారించాలని, కలుషిత నీటి విషయంలో కూడా అప్రమత్తంగా ఉండాలని ఆదేశించాను. బాధితులకు వైద్య సేవల విషయంలో నిర్లక్ష్యం వహించొద్దని హెచ్చరించాను.
ప్రజల ఆరోగ్యం అనేది ప్రభుత్వ బాధ్యత. వైద్య సౌకర్యాలు సక్రమంగా అందేలా చూడాల్సిన బాధ్యత మనపై ఉంది. కింది స్థాయి నుంచి పైస్థాయి వరకు అందరూ తమ తమ బాధ్యతలను సక్రమంగా నిర్వర్తించాలి. ఎక్కడ ఎటువంటి తప్పిదాలు జరిగినా కఠిన చర్యలు తీసుకుంటాం. భవిష్యత్ అవసరాలకు ఇప్పటి నుంచే సిద్ధం కావాలి. షార్ట్ టర్మ్, లాంగ్ టర్మ్ ప్లాన్తో అందరం కలిసి ముందుకు వెళ్దాం. ఒక మానిటరింగ్ వ్యవస్థను పెట్టుకుని ఎప్పటికప్పుడు సమీక్ష నిర్వహించుకుందాం. ఏ సమస్యలు ఉన్నా నా దృష్టికి తీసుకురండి. సత్వరం పరిష్కరించడానికి కృషి చేస్తా.
