వన మహోత్సవాన్ని దిగ్విజయం చేయండి

కుందూరు రఘువీర్ రెడ్డి నల్లగొండ పార్లమెంట్ సభ్యులు

On 17 Jul 2024 10:26:55

దేవరకొండ :
దేవరకొండ పట్టణంలోని జూనియర్ బాలుర కళాశాల ఆవరణంలో మున్సిపల్ సిబ్బంది ఏర్పాటు చేసిన హరిత వన మహోత్సవ కార్యక్రమంలో ఎంపీ కుందూరు రఘువీర్ రెడ్డి దేవరకొండ ఎమ్మెల్యే నేనావత్ బాలు నాయక్ మున్సిపల్ సిబ్బంది తో కలిసి మొక్కలు నాటారు.

ఈ సందర్భంగా వారు మాట్లాడుతూ.. హరితవనాలు ఎంతో అవసరమని, వనాలను పెంచాల్సిన బాధ్యత ప్రతి ఒక్కరిపై ఉందన్నారు. ప్రజలను భాగస్వామ్యం చెయటం కోసమే మొక్కలు నాటే కార్యక్రమం చెపట్టామన్నారు.దేవరకొండ నియోజక వర్గంలో అధిక మొత్తంలో మొక్కలు నాటడమే లక్ష్యంగా నిర్దేశించుకున్నామని తెలిపారు. ఈ కార్యక్రమంలో నియోజక వర్గ ప్రజా ప్రతినిధులు, ముఖ్య నాయకులు, యువజన కాంగ్రెస్ పార్టీ నాయకులు, వివిధ అనుబంధ సంఘాల నాయకులు, కార్యకర్తలు, అభిమానులు తదితరులు పాల్గొన్నారు.