జయభేరి, ములుగు, జనవరి 28 :
గజ్వేల్ నియోజకవర్గం ములుగు మండలం లోని జిల్లా పరిషత్ ఉన్నత పాఠశాలలో 2004- 2005 సంవత్సరంలో చదువుకున్న పూర్వ విద్యార్థులు ఆత్మీయ సమ్మేళన కార్యక్రమాన్ని నిర్వహించుకున్నారు. 20 సంవత్సరాల పూర్వ విద్యార్థులు ఓప్రవేట్ ఫంక్షన్ హాల్ లో కలుసుకొని వారు చేసిన చిన్ననాటి జ్ఞాపకాలను నెమరు వేసుకున్నారు.
పాఠశాలలో ఏ విధంగా ఉన్నామని ఒకరికొకరు సంభాషించారు. 20 సంవత్సరాల తర్వాత కలుసుకోవడం చాలా సంతోషంగా ఉందని వారు పేర్కొన్నారు. పూర్వ విద్యార్థులు కుటుంబ సభ్యులతో హాజరై తాను ప్రస్తుతం ఏం చేస్తున్నామని సమావేశంలో తెలిపారు. అనంతరం పూర్వ విద్యార్థులకు విద్యాబోధన బోధించిన ఉపాధ్యాయులు మాధవరెడ్డి శ్రీనివాస్ రెడ్డి తదితరులను శాలువా, జ్ఞాపికలతో సన్మానం చేశారు.
