జయభేరి, కామారెడ్డి జిల్లా :

విషయానికొస్తే ఆర్మూర్ లో అక్రమ భవన నిర్మాణం చేపడుతున్న ఓ వ్యక్తిని జర్నలిస్ట్ పురుషోత్తం మరియు మరో ఇద్దరు జర్నలిస్టులు సమాచారం నిమిత్తం అడగగా అతని మామ అయినటువంటి జగిత్యాల జిల్లాలో విధులు నిర్వర్తిస్తున్న ఎస్సై రవీందర్ శెట్టి జోక్యం చేసుకుని జర్నలిస్ట్ పురుషోత్తంకు ఫోన్ చేసి తీవ్రంగా బెదిరించాడు. మీరు జర్నలిస్టులు అయితే ఏందీరా 100 మందిని తీసుకొచ్చి మిమ్మల్ని చంపేస్తా అంటూ తీవ్ర స్థాయిలో బెదిరించాడు.ఆ విషయం పై శుక్రవారం కరీంనగర్ లో ఏర్పాటు చేసిన సమావేశంలో రాష్ట్ర కమిటీ పాల్గొని దళిత జర్నలిస్టుల ను నానా రకాలుగా తిడుతూ, చంపేస్తా అంటూ బెదిరించినా ఎస్సై రవీందర్ శెట్టిని వెంటనే విధుల నుండి తొలగించి, అతని పై ఎస్సీ, ఎస్టీ చట్టం కింద కేసు నమోదు చేసి చర్యలు తీసుకోవాలని ప్రభుత్వాన్ని డిమాండ్ చేశారు. ఈ అంశం పై ప్రభుత్వం ఎలాంటి స్పందన ఇవ్వకుంటే 10 వేల మంది జర్నలిస్ట్ లతో రాష్ట్రం మొత్తం స్థంభించే విధంగా ధర్నాలు,రాస్తారోకోలు చేస్తామని హెచ్చరించారు. ఈ కార్యక్రమంలో టీడీడబ్లూజేఎఫ్ రాష్ట్ర ప్రధాన కార్యదర్శి కల్లేడ నరేష్ కుమార్, కరీంనగర్ జిల్లా అధ్యక్షుడు చెట్టి రాజేష్, ప్రధాన కార్యదర్శి అఖిల్, జిల్లా కమిటీ సభ్యులు జగన్, తిరుపతి, నర్సయ్య, కిరణ్, అజయ్, రాజ్ కుమార్ తదితరులు పాల్గొన్నారు.