జయభేరి, ఏప్రిల్ 26 :
జాతీయ కమిషన్ ఆఫ్ షెడ్యూల్డ్ కులాల (ఎన్.సి.ఎస్.సి) చైర్మన్ కిషోర్ మక్వానాను తెలంగాణ దళిత సమాఖ్య రాష్ట్ర అధ్యక్షుడు బిఎన్. రాంమోహన్ మర్యాద పూర్వకంగా కలిశారు. శామీర్‌పేట్ మండలం తూంకుంట మున్సిపాలిటీ దేవరయాంజాల్ గ్రామానికి చెందిన బిఎన్.రామ్ మోహన్ న్యూఢిల్లీలోని ఎన్.సి.ఎస్.సి కార్యాలయంలో చైర్మన్ ను కలిశారు. అనంతరం దళితుల సమస్యల పట్ల చర్చించారు. గ్రామీణ ప్రాంతాల్లో నేటికీ దళితులపై వివక్ష కొనసాగుతోందని ఆవేదన వ్యక్తంచేశారు. అదేవిధంగా పౌరహక్కుల దినోత్సవాన్ని అధికారికంగా జరిపించాలని కోరారు. రాజ్యాంగంలోని ఆర్టికల్ 14, 16(4) ప్రకారం సమాన అవకాశాలను అందుబాటులో ఉంచడానికి, సామాజిక, ఆర్థిక అసమానతలను తొలగించాలని ఉద్దేశించబడ్డాయని పేర్కొన్నారు. రాజ్యాంగం ప్రకారం దళితులు, బలహీన వర్గాల సంక్షేమం కోసం పాటు పడాలని కోరారు. అయితే దీనిపై సానుకూలంగా స్పందించిన ఎన్.సి.ఎస్.సి చైర్మన్ కిషోర్ మక్వానా వీలైనంత త్వరలో ఈ విషయంపై రాష్ట్ర డిజిపికి లేఖ రాసి పంపిస్తామని హామి ఇచ్చారు.
Latest News
07 Oct 2024 12:02:13
జయభేరి, గజ్వేల్ (వర్గల్) 07 : సిద్దిపేట జిల్లాలోని ప్రసిద్ధ వర్గల్ శ్రీ విద్యా సరస్వతి అమ్మవారిని దర్శించుకున్న మాజీ మంత్రి వర్యులు శ్రీ తన్నీరు హరీష్...
Post Comment