రెండు సూర్య గ్రహణాలు, రెండు చంద్రగ్రహణాలు సహా మొత్తం నాలుగు గ్రహణాలు ఈ సంవత్సరంలో ఏర్పడనున్నాయి. ఇప్పటికే గత నెలలో తొలి చంద్రగ్రహణం ఏర్పడింది.
వాషింగ్టన్: ఈ ఏడాది తొలి సూర్యగ్రహణం ఏప్రిల్ 8న ఏర్పడనుంది.ఇది సంపూర్ణ సూర్యగ్రహణం. 54 ఏళ్ల తర్వాత ఇలాంటి సూర్యగ్రహణం ఏర్పడడం ఇదే తొలిసారి. ఇలాంటి సూర్యగ్రహణం చివరిసారిగా 1970లో సంభవించిందని.. కానీ భారతదేశంలో అది కనిపించదని ఖగోళ శాస్త్రవేత్తలు తెలిపారు. ఈ అరుదైన గ్రహణం సమయంలో భారతదేశంలో రాత్రి ఉంటుంది. కాబట్టి ఎటువంటి ప్రభావం ఉండదు.ఇతర దేశాలలో, సంపూర్ణ సూర్యగ్రహణం పగటిపూట ఏడున్నర నిమిషాల పాటు చీకటిగా ఉంటుంది. సంపూర్ణ సూర్యగ్రహణం ఏప్రిల్ 8న మధ్యాహ్నం 02:12 గంటలకు ప్రారంభమై ఏప్రిల్ 9 మధ్యాహ్నం 02:22 గంటలకు ముగుస్తుంది. అయితే, ఈ అద్భుతం మెక్సికోలోని పసిఫిక్ తీరం నుండి మొదలై, యునైటెడ్ స్టేట్స్ గుండా ప్రయాణించి, తూర్పు కెనడాలో ముగుస్తుంది. ఆయా ప్రాంతాల్లోని లక్షలాది మంది ప్రజలు ఈ గ్రహణాన్ని వీక్షించనున్నారు. ఈ గ్రహణం మెక్సికోలోని మజాట్లాన్ నుండి న్యూఫౌండ్ల్యాండ్ వరకు అలాగే యునైటెడ్ స్టేట్స్లోని చాలా మందికి కనిపిస్తుంది.
