జయభేరి, ఉప్పల్ : భక్తుల కోరిన కోరికలు తీర్చే అభయాంజనేయ స్వామి క్షేత్రపాలకుడి విగ్రహాన్ని కుషాయిగూడ గ్రామ నడిబొడ్డులో ఏర్పాటు చేసుకోవడం భక్తకోటికి మహాదానందంగా ఉందని ఉప్పల్ ఎమ్మెల్యే బండారి లక్ష్మారెడ్డి పేర్కొన్నారు.
కుషాయిగూడ బస్ స్టాండ్ హనుమాన్ వేదిక స్థలంలో హనుమాన్ విగ్రహ నిర్మాణ సమితి బజరంగ్ దళ్ కుషాయిగూడ సంయుక్త ఆధ్వర్యంలో ఆదివారం జరిగిన 50 అడుగుల అభయాంజనేయ స్వామి (క్షేత్రపాలకుడు) విగ్రహ శంకుస్థాపన పూజా కార్యక్రమంలో ఉప్పల్ ఎమ్మెల్యే బండారి లక్ష్మారెడ్డి ముఖ్య అతిథిగా పాల్గొన్నారు.
ఈ సందర్భంగా ఆయన మాట్లాడుతూ ఏండ్ల కాలం క్రితం కుషాయిగూడ గ్రామంలో మహిమాన్వితుడైన అంజనీ పుత్రుడు అభయాంజనేయ స్వామి దేవాలయం అత్యంత ప్రాశిష్టతను సంతరించుకుందన్నారు.
కుషాయిగూడ బస్ స్టాండ్ లో హనుమాన్ భక్తమండలి కుషాయిగూడల భక్తజనులు అభయాంజనేయ స్వామి గద్దెను నిర్మించుకొని అత్యంత నిష్టతో పూజాధి కార్యక్రమాల తో పాటుగా హనుమాన్ జయంతి శోభాయాత్రలను జరుపుకోవడం జరుగుతుందన్నారు.
పూజా కార్యక్రమంలో స్థానిక కార్పొరేటర్ బొంతు శ్రీదేవి, మాజీ కార్పొరేటర్ సింగిరెడ్డి ధన్పాల్ రెడ్డి, చర్లపల్లి కాలనీల సమాఖ్య సిసిఎస్ ప్రతినిధులు, కుషాయిగూడ గ్రామ పుర ప్రముఖులు, హనుమాన్ విగ్రహ నిర్మాణ సమితి బజరంగ్ దళ్ కుషాయిగూడ కార్యకర్తలు పెద్ద సంఖ్యలో పాల్గొన్నారు.
Post Comment