జయభేరి, హైదరాబాద్ :
పార్లమెంటు ఎలక్షన్స్ దగ్గరికి వస్తున్నా కొద్దీ పార్టీ అధినేతలు తెలంగాణలో బాగా వేసి ఎలాగైనా తెలంగాణలో ఎంపీ సీట్లు అత్యధిక మెజారిటీతో గెలవాలని రాజకీయ పార్టీ నేతల దగుల్ బాజీ పనికి పరాకాష్టగా మారుతుంది. స్వతంత్ర భారతావనిలో సంక్షేమ పథకాలు ఫ్రీగా అందిస్తున్నామంటే క్యూ కట్టే జనం తీరు చూస్తే జాలేస్తోంది.. ఆర్ధిక భారంతో చితికి పోతున్న ప్రజలు ఉచితలకు ఎగబడి క్యూ లైన్ లో రేషన్ షాప్ దగ్గర క్యూ కట్టే లైన్లు ఇందుకు సాక్ష్యం... ఒక ఉచిత పథకాలకి కాదు ఆయా పార్టీలు అధికారంలోకి రావడానికి ఎంతటికైనా దిగజారుడు పనులు చేసే వీలును కల్పిస్తూ ప్రజలను బిచ్చగాళ్లుగా చేస్తున్నారు.

నిజానికి డాక్టర్ బి.ఆర్ అంబేద్కర్ ఆశించినట్టుగానే ప్రజలు ఎప్పుడైతే తెలివిగా ఆలోచించి తమ బ్రతుకులను బాగు చేసుకోవడానికి ఓటు హక్కును సరిగ్గా వినియోగించుకుంటారో అప్పటివరకు నా పోరాటం ఆగదు అని అన్న మాటలు ఇప్పటికీ సజీవంగానే ఉంటున్నాయి...
ప్రజాస్వామ్యంలో ఓటు ఎంత పవిత్రమైందో ఎంత విలువయిందో ఈ ప్రజలకు తెలిసిన మారరు మారకుండా ఉండేలా చేసిన ఘనత ఆయా రాజకీయ పార్టీలది ఆయా నాయకులది...ప్రజలు ఓటు హక్కును సరిగ్గా వినియోగించుకుంటారు ఒకవేళ ఓటు వేయకపోతే మేం జనాభా లెక్కలో లేమా..!? మా ఓటు ఎందుకు లేదు!? మా ఓటు ఎవరు వేశారు!? అంటూ ప్రశ్నించే తత్వం గ్రామీణ ప్రాంతాల్లో ప్రజలకు తెలిసినంతగా నగర పట్టణ ప్రాంతాల్లో నివసించే వారికి తెలియదేమో... అలా అని ప్రజలు డబ్బులు తీసుకోకుండా ఓటు వేయరు... వాళ్ళని డబ్బులు తీసుకునేలా చేసింది రాజకీయ నాయకులే... ఈ సో కాల్డ్ పార్టీ నేతలే... మేము అధికారంలోకి వస్తే అది చేస్తాం ఇది చేస్తాం మీకు అదృష్టం మీకు ఇది చేస్తాం అని చెప్పే దౌర్భాగ్యపు పాలనలో రాజకీయ నాయకులు వేసే ఉచిత పథకాలకు ప్రజలు బందీలుగా మారిపోయి బానిసలుగా బతుకుతున్నారు.
ప్రతిదీ డబ్బుతోనే కొనుక్కుందాం అనుకునే ఆలోచనలు ఇకనైనా మానుకోవాలి. ప్రజాస్వామ్యంలో ఎలక్షన్ అంటే స్వేచ్ఛగా ప్రశాంత వాతావరణంలో సాగేలా ఈ నాయకులకు తెలిసేలా ఎలక్షన్ కమిషన్ పనిచేస్తున్న తీరుమారని నేతలను చూస్తే జాలేస్తోంది... గతంలో ఎంతోమంది ఉన్న ఆస్తులు అమ్ముకొని ఎలక్షన్ లో పెట్టి ఓడిపోయిన తర్వాత లబోదిపోమని మొత్తుకొని తిరిగి డబ్బులు ఇవ్వమని ప్రజల్ని అడిగిన దాఖలాలు లేకపోలేదు... అలా కాకుండా ఉన్న ఆస్తులు అమ్ముకొని రాజకీయంలో గెలిచి కోట్ల రూపాయలు సంపాదించుకున్న నేతలు లేకపోలేదు.. మొత్తానికి రాజకీయ ఎన్నికలు వచ్చాయంటే ప్రజలకు కొన్ని రోజులు పని దొరుకుతూ కడుపునిండా తిండి దొరికి నచ్చింది తాగే పరిస్థితి నేతలే కనిపిస్తున్నారు... ఇది ప్రజాస్వామ్యం రాజకీయ పార్టీలకు ఇచ్చిన వరము శాపము తెలియదు కానీ ఓటర్లు నీరు చాలా తెలివైన వాళ్ళు అని చెప్పక తప్పదు..

ఇప్పటికైనా ప్రజలు ఒకసారి ఆలోచించాలి తమ బాధ్యతను గుర్తించుకొని మారాలి అని అంటే ప్రజలు అర్థం చేసుకుంటారో తెలియదు కానీ రాజకీయాల నాయకులే మారిన క్షణాన ప్రజలు యధావిధిగా తమ పని తాము చేసుకుంటూ ముందుకు వెళతారు. మొత్తానికి జీవులు నింపే పని రాజకీయ నాయకులు చేస్తుంటే నింపుకునే పని ప్రజలు చేస్తున్నారు.. కానీ ఇది మంచి పద్ధతి కాదు. ప్రజాస్వామ్యం అంటే ఇది కాదు. కనీస పరిజ్ఞానం లేని రాజకీయ నేతలు కూడా ప్రజాస్వామ్యం గురించి మాట్లాడుతుంటే ఒక్కొక్కసారి జాలేస్తోంది..

- కడారి శ్రీనివాస్ 
కాలమిస్ట్, సీనియర్ జర్నలిస్ట్, కవి, రచయిత
గాయకులు, సామాజిక ఉద్యమకారులు