జయభేరి, జూన్ 17:
ఎస్సీ కులాల్లోని మాల, మాదిగ ఉపకులాలతో పాటు బైండ్ల కులాన్ని కూడా 3వ కులంగా ప్రత్యేకంగా గుర్తించాలని ఆ సంఘం తెలంగాణ రాష్ట్ర అధ్యక్షుడు ఏపూరి రాంచందర్ అన్నారు. మేడ్చల్ జిల్లా శామీర్ పేట్ మండలం అలియాబాద్ లోని సంగీత్ ఫంక్షన్ హాలులో మేడ్చల్ మల్కాజ్ గిరి జిల్లా బైండ్ల కుల సంఘాన్ని ఎన్నుకున్నారు. ఈ సందర్భంగా మేడ్చల్ మల్కాజ్ గిరి జిల్లా అధ్యక్షునిగా బైండ్ల రాంచందర్, ఉపాధ్యక్షునిగా బైండ్ల శంకర్, ప్రధాన కార్యదర్శిగా వెంకటేష్, సహయ కార్యదర్శిగా ప్రశాంత్, కోశాధికారిగా నర్సింలు ను ఎన్నుకున్నారు.
అనంతరం వారికి నియామక పత్రాలను అందచేశారు. ఈ సందర్భంగా వారు మాట్లాడుతూ... ఎస్సీ కులాల్లోని మాల మాదిగ ఉపకులాలుగా ఏ విధంగా పిలవబడుతున్నాయో అదే విధంగా బైండ్ల ఉపకులంగా బైండ్లను గుర్తించాలని కోరారు. ఇక ఎస్సీ కులాల్లో ప్రస్తుతం ఉన్న రిజర్వేషన్ ను 15 నుంచి 20శాతానికి పెంచాలని వారు డిమాండ్ చేశారు. ఈ కార్యక్రమంలో రాష్ట్ర ఉపాధ్యక్షుడు రాములు, ప్రధాన కార్యదర్శి యాదగిరి, కోశాధికారి రామకృష్ణ, సలహాదారులు బైండ్ల కుమార్, సంజీవరావు, నర్సింహా, శ్రీను, సునీల్, రమేష్, బాలనర్సింహా, వివిధ జిల్లాల అధ్యక్ష కార్యదర్శులు, సభ్యులు తదితరులు పాల్గొన్నారు.
Post Comment