సీఆర్ పీ ఎఫ్ పాఠశాలలో ప్రారంభమైన జిల్లా స్థాయి సబ్ జూనియర్ అథ్లెటిక్స్ సెలక్షన్ పోటీలు

పోటీలను ప్రారంభించిన సీఆర్ పీఎఫ్ గ్రూప్ సెంటర్ డీఐజిపి అనిల్ మీన్స్

On 24 Nov 2024 09:39:20

సీఆర్ పీ ఎఫ్ పాఠశాలలో ప్రారంభమైన జిల్లా స్థాయి సబ్ జూనియర్ అథ్లెటిక్స్ సెలక్షన్ పోటీలు

జయభేరి, నవంబర్ 23:
సిఆర్పిఎఫ్ పాఠశాలలో జిల్లాస్థాయి సబ్ జూనియర్ అథ్లెటిక్స్ సెలక్షన్ టోర్నమెంట్స్ పోటీలు ఘనంగా ప్రారంభమయ్యాయి. ఈ పోటీలకు సిఆర్పిఎఫ్ గ్రూప్ సెంటర్ డిఐజిపి అనిల్ మీన్స్ ముఖ్య అతిథిగా హాజరై ప్రారంభించారు. అనంతరం పోటీల్లో గెలుపొందిన వారికి బహుమతులు అందజేశారు.

ఈ సందర్భంగా ఆయన మాట్లాడుతూ విద్య, క్రీడలు , సాంస్కృతిక కార్యక్రమాలకు సిఆర్పిఎఫ్ పాఠశాల ఎంతో ప్రాధాన్యతిస్తుందని పేర్కొన్నారు. విద్యార్థులు క్రీడలను ప్రాధాన్యంగా తీసుకొని ముందుకు సాగాలని సూచించారు. అనంతరం ప్రిన్సిపాల్ అపర్ణ మాట్లాడుతూ విద్యార్థి దశ ఎంతో కీలకమని, ఈ దశలో విద్యార్థులు క్రీడలకు సముచిత స్థానం కల్పించుకొని చదువుతోపాటు క్రీడలకు ముందు ఉండాలని అన్నారు. నేటి సమాజం పూర్తిగా మొబైల్ క్రీడలలో నిమగ్నమైందని దాని నుంచి బయటికి రావాలంటే విద్యార్థులు ఉదయం సాయంత్రం వేళలో ప్రతిరోజు క్రీడా మైదానంలో ఉంటూ తమ శిక్షణలో ముందుకెళ్లాలని సూచించారు.

ఇక, ఆర్గనైజ్ సెక్రెటరీ కూరపాటి రాజశేఖర్ మాట్లాడుతూ 42 పాఠశాలల నుంచి 370 అథ్లెట్స్ మరియు వారి తల్లిదండ్రులు పాల్గొన్నారని తెలిపారు. ఈ క్రీడల్లో ఉత్తమ ప్రతిభ కనబరిచిన విద్యార్థులు రాష్ట్రస్థాయి పోటీల్లో పాల్గొంటారని తెలిపారు. ఈ కార్యక్రమంలో కమాండెంట్ జనార్ధన్, హెడ్ మిసెస్ ఆశాజీ కుమార్ , వైస్ ప్రిన్సిపల్ హరి శంకర్ ,మేడ్చల్ జిల్లా అసోసియేషన్ వైస్ ప్రెసిడెంట్ అశోక్, అసోసియేషన్ సభ్యులు లవకుమార్ గౌడ్, టెక్నికల్ కమిటీ మెంబర్స్, ఫిజికల్ ఎడ్యుకేషన్ టీచర్స్, భాస్కర్ రెడ్డి, వినోద్, మన్మధరావు, ఉపాధ్యాయులు సబీనా,కిషోర్ కుమార్, వెంకట్ రాజు, తదితరులు పాల్గొన్నారు.