జయభేరి, షాద్ నగర్, జూన్ 17 : నేటి బాలలే రేపటి పౌరులు అని నాగులపల్లి గ్రామ సర్పంచ్ రాధిక అశోక్ రెడ్డి అన్నారు. గ్రామంలోని  అందరూ చదవాలి అందరూ ఎదగాలి అని  పాఠశాల విద్యార్థులకు సూచించారు. రంగారెడ్డి జిల్లా షాద్ నగర్ నియోజకవర్గము ఫరూక్ నగర్ మండలం నాగులపల్లి గ్రామ ప్రభుత్వ ప్రాథమిక పాఠశాలలో బుధవారం అక్షరాభ్యాస కార్యక్రమం, పాఠ్యపుస్తకాల పంపిణీ కార్యక్రమాన్ని గ్రామ పాలకమండలి నాయకులు, అమ్మ ఆదర్శ పాఠశాల అధ్యక్షులు, ఉపాధ్యాయుల ఆధ్వర్యంలో ఘనంగా నిర్వహించడం జరిగింది.

ఈ సందర్భంగా గ్రామ సర్పంచ్ రాధిక అశోక్ రెడ్డి మాట్లాడుతూ... గ్రామంలోని ప్రతి కుటుంబంలోని పిల్లలు ప్రభుత్వం అందిస్తున్న మెరుగైన  సౌకర్యాలను వినియోగించుకుని ప్రభుత్వ పాఠశాలలో చదవాలని పిలుపునిచ్చారు. పాఠశాలకు కావలసిన అన్ని సదుపాయాలను ఇదివరకే గ్రామస్తులు తమకు తోచిన సహాయ సహకారాలు అందిస్తున్నారని గుర్తు చేశారు. మంచి కోసం మార్పు కోసం ప్రజల విద్య కోసం తమకు తోచిన సహాయ సహకారాలను భవిష్యత్తు తరాలు బాగుండే విధంగా అందిస్తానని అన్నారు. అనంతరం సర్పంచ్ రాధిక అశోక్ రెడ్డి సరస్వతి దేవి చిత్రపటానికి పూలమాలవేసి అక్షరాభ్యాసాన్ని ప్రారంభించి, పాఠ్య పుస్తకాలను పంపిణీ చేశారు.

ఈ కార్యక్రమంలో గ్రామ సర్పంచ్ రాధిక అశోక్ రెడ్డి, ఉపసర్పంచ్ సుమన్ గౌడ్, వార్డు సభ్యులు, రజిత, లక్ష్మీనరసింహ, స్వామి, బౌరయ్య, అమ్మ ఆదర్శ పాఠశాల అధ్యక్షురాలు అరుంధతి వెంకట్ రెడ్డి, ప్రధానోపాధ్యాయులు గోపాల్ నాయక్, అంగన్వాడి ఉపాధ్యాయులు.. లతా, విద్యార్థులు తదితరులు పాల్గొన్నారు.

హైదరాబాద్, 31 మే 31 : అవర్ రెడ్డి ఫౌండేషన్ (ORF) ఆధ్వర్యంలో *2026-2027 విద్యా సంవత్సరానికి* గాను *విద్యా ధన్ స్కాలర్‌షిప్ పంపిణీ కార్యక్రమం* హోటల్ ది ప్లాజా, బేగంపేట, హైదరాబాద్‌లో విజయవంతంగా నిర్వహించబడింది. ఆర్థికంగా వెనుకబడిన రెడ్డి విద్యార్థినీ, విద్యార్థులకు ఉన్నత విద్య కోసం ఉపకార వేతనాలు అందజేశారు. కేవలం ఆర్థిక సహాయమే కాకుండా, విద్యార్థుల ఉజ్వల భవిష్యత్తు కోసం సాంకేతిక నైపుణ్యాలు, వ్యక్తిత్వ వికాసం, సామాజిక నైపుణ్యాలపై విలువైన సలహాలు, సూచనలు అందించారు.

వ్యవస్థాపక సభ్యులు పెరియావరం గోపాల్ రెడ్డి, గుట్టికొండ శివ సుందర్ రెడ్డి, సిఎ యల్దండ కొండల్ రెడ్డి, పాలగిరి సుబ్బా రెడ్డి, జగన్ మోహన్ రెడ్డి, డా. స్వాతి రెడ్డి, డా. రజని రెడ్డి, దివాకర్ రెడ్డి, డి మధు సుధన్ రెడ్డి, రాజా మోహన్ రెడ్డి, రంగా రెడ్డి, మరియు దాతలు బి. వీరా రెడ్డి, ఎస్ఎన్ రెడ్డి, కె. అశ్విని రెడ్డి, కవిత రెడ్డి, శోభా రెడ్డి, కె. భరత్ రెడ్డి, సిఎ సురేష్ రెడ్డి, టిఎస్ రెడ్డి, పుష్ప రెడ్డి, చల్లా చైతన్య రెడ్డి సభను ఉద్దేశించి ప్రసంగించారు. 

ORF చేపట్టబోయే భవిష్యత్తు కార్యక్రమాలు, విద్యార్థి సాధికారత దృష్టి గురించి వివరించారు. ఈ కార్యక్రమంలో ORF వ్యవస్థాపక సభ్యులు, కమిటీ సభ్యులు, దాతలు, విద్యార్థులు మరియు వారి తల్లిదండ్రులు పాల్గొన్నారు. విద్య, నైపుణ్యాభివృద్ధి ద్వారా అర్హులైన విద్యార్థులను ఉన్నత శిఖరాలకు తీసుకెళ్లడమే అవర్ రెడ్డి ఫౌండేషన్ ధ్యేయం.

జయభేరీ, యాదగిరిగుట్ట, మే 21:.యాదగిరి శ్రీ లక్ష్మీ నరసింహ స్వామి దేవస్థానం పరిధిలో వేద పాఠశాల నిర్మాణం,పలు అభివృద్ధి కార్యక్రమాల శంకుస్థాపనకు ఈనెల 23న తెలంగాణ రాష్ట్ర ముఖ్యమంత్రి రేవంత్ రెడ్డి,కంచి కామ కోటి పీఠాధిపతి శ్రీశ్రీ విజయేంద్ర సరస్వతి స్వామీజీ తో పాటు రాష్ట్ర మంత్రులు, ప్రముఖులు హాజరవుతున్నట్లు

 యాదగిరిగుట్ట ఆలయ ఈవో భవాని శంకర్ తెలిపారు. 
గురువారం కొండపైన ఏర్పాటు చేసిన విలేకరుల సమావేశంలో ఆయన మాట్లాడుతూ శనివారం రోజున ఉద యం 9.35 గంటలకు రాష్ట్ర ముఖ్యమంత్రి రేవంత్ రెడ్డి అభివృద్ధి పనులు చేపట్టడం కోసం ఆలయానికి చేరుకోరు న్నట్లు తెలిపారు. 
ప్రధానంగా టెంపుల్ సిటీ నందు వేద పాఠశాల నిర్మాణానికి శంకుస్థాపన నిర్వహించి, భక్తుల సౌకర్యార్థం కొండపైన శ్రీ స్వామి వారికి కళ్యాణ మండపం, దీక్షాపరులకు సదనం, 
మెట్ల మార్గంలో పైకప్పు ఏర్పాటు,ఆలయ వాయువ్య దిశలో మెట్లు ఏర్పాటు చేయడం కోసం పనులు శంకుస్థాపన చేయనున్నట్లు తెలిపారు. సుమారు 100 కోట్ల రూపాయలతో అభివృద్ధి పనులు చేపట్టను న్నట్లు ఈ ఒక్క నిధులు ప్రభుత్వము,దాతల సహకారంతో పనులు చేపట్టినట్లు యాదగిరిగుట్ట ఆలయ ఈవో భవానీ శంకర్ తెలిపారు. త్వరలోనే పనులకు టెండర్ ప్రక్రియను పూర్తి చేసుకుని పనులు చేపట్టడం జరుగుతుందని ఈవో తెలిపారు 

యాదగిరిగుట్ట ఆలయ వేళలో మార్పు.. 

ఆలయ అభివృద్ధి పనుల శంకుస్థాపనకు తెలంగాణ రాష్ట్ర ముఖ్యమంత్రి రేవంత్ రెడ్డి తో పాటు కంచి కామకోటి పీఠాధిపతి ప్రముఖులు రాకను దృష్టిలో ఉంచుకొని ఆలయ వేళలో మార్పు చేస్తున్నట్లు ఆలయ ఈవో భవానీ శంకర్ తెలిపారు. తెల్లవారుజామునే మూడు గంటలకు ఆలయాన్ని తెరిచి పూజా కార్యక్రమాలు చేపడతామని ఎండ తీవ్రత ఎక్కువగా ఉన్నందున భక్తులకు ఇబ్బంది కలగకుండానే కార్యక్రమాన్ని కొనసాగించేలా చూస్తామని తెలిపారు.

జయభేరి, సైదాపూర్ :
అలనాటి మధురస్మృతుల కోసం మళ్లీ ఒకరోజు శిష్యుల ఎదుగుదలే గురు దక్షిణగా భావించి పూజ్యులైన గురువుల సమక్షంలో 39 సంవత్సరాల తర్వాత అపురూప కలయిక.. కరీంనగర్ జిల్లా, సైదాపూర్ మండలం, దుద్దునపల్లి గ్రామంలో జిల్లా పరిషత్ ఉన్నత పాఠశాల 1986-–87 పదోతరగతి బ్యాచ్ పూర్వ విద్యార్థుల ఆత్మీయ సమ్మేళనం ఆదివారం జరిగింది. ఈ పూర్వ విద్యార్థుల ఆత్మీయ సమ్మేళనం సమావేశ కర్తలు.. ఎస్ రాజయ్య, టి నారాయణ రెడ్డి. సభాధ్యక్షులు.. ఆడెపు రాజేందర్, పరకాల నారాయణ ఆధ్వర్యంలో ఆత్మీయ సమ్మేళనం ఘనంగా జరుపుకున్నారు. ఈ కార్యక్రమానికి ముఖ్య అతిథులుగా కే శ్రీనివాస్ రెడ్డి ఎంఈఓ, సునీత PS HM హాజరైనారు.  

విద్యాబోధనలు చెప్పినా గురువుల ఆహ్వానించుకొని వారికి ఘనంగా సన్మానం చేసినారు. ఈ సందర్భంగా మిత్రులందరికీ తమ చిన్ననాటి జ్ఞాపకాలను నెమరు వేసుకుంటూ చదువులమ్మ ఒడిలో ఆటపాటలతో ఆనందంలో మునిగితేలారు. ఈ సందర్భంగా ఉపాధ్యాయులు మాట్లాడుతూ.. 39 సంవత్సరాల క్రితం చదువు నేర్పిన గురువులను గుర్తుంచుకొని సన్మానం చేసినందుకు ఇంత మంది విద్యార్థులు ఉన్నతంగా ఉన్నందుకు చూసి ఆనందంతో మురిసిపోతూ చిలకాలం గుర్తుండిపోయే జ్ఞాపకాలను మిగిల్చారని అన్నారు విద్యార్థులందరూ అప్పటి సంఘటనలను గురువులతో ఉన్న అనుబంధాలను మిత్రులతో ఉన్న అనుబంధాన్ని గుర్తు చేసుకుంటూ సంతోషంగా గడిపారు. 

జయభేరి, తుర్కపల్లి, మే 02 :
తుర్కపల్లి మండలం జేతురామ్ తండా, సంగ్యా తండా గ్రామపంచాయతీ పరిధిలోని 15 మంది పదవ తరగతి విద్యార్థులు 100% ఉత్తీర్ణత సాధించడంతో అందులో భూక్య హిందూ 567 మార్కులతో మొదటి స్థానంలో నిలిచింది.నునావత్ నందు  భూక్య సిరి మల్లికా, భూక్య మేఘన, రుణావత్ చరణ్, భూక్య విజయ్, రుణావత్ మజ్ను, భూక్య ధనుష్, లకావత్ విజయ్, భూక్య భాషా, భూక్యనందిని, భూక్యమన్సింగ్, రుణావత్ రక్షిత, లను గ్రామ సర్పంచ్ భూక్య సంతోష్ నాయక్ అభినందించి సన్మానించారు. ఈ సందర్భంగా ఆయన మాట్లాడుతూ  రాబోవు కాలంలో ఉన్నత శిఖరాలను అధిరోహించి గ్రామానికి మంచి పేరు తీసుకురావాలని అన్నారు. విద్య ద్వారా మాత్రమే మన బతుకులు బాగుపడతాయని అది నేను బలంగా నమ్ముతానని ఇక్కడ తల్లిదండ్రులు నిరక్షరాశులు కావడం చేత పిల్లల్ని పట్టించుకునే నాధుడు లేదని అందుకే వారిపై ప్రత్యేక శ్రద్ధ వహించి వారిని అత్యంత స్థానంలో తీర్చిదిద్దరమే నా లక్ష్యమని అన్నారు.

జయభేరి, తుర్కపల్లి, మే 02 :
తుర్కపల్లి మండలం గొల్లగూడెం గ్రామపంచాయతీ ఆవరణలో సర్పంచ్ ధరావత్ రమేష్ నాయక్ ఆధ్వర్యంలో ఉచిత కంటి వైద్య శిబిరాన్ని శనివారం నిర్వహించారు. ఈ సందర్భంగా డాక్టర్ ఎండి జమీల్ డిఓఏ మాట్లాడుతూ వాసవి ఐ హాస్పిటల్ వలిగొండ ఆధ్వర్యంలో కంటి వైద్య శిబిరాన్ని నిర్వహించి గ్రామంలోని ప్రజలకు కంటి పరీక్షలు నిర్వహించినట్లు తెలిపారు. ఈ కార్యక్రమంలో గ్రామస్తులు పాల్గొన్నారు.

లోతుకుంట, జయభేరి : లోత్కుంటా “X” రోడ్, ఆల్వాల్ వద్ద డాక్టర్ బి.ఆర్. అంబేద్కర్ మిషన్ కార్యవర్గ సభ్యులు 161వ వారపు జ్ఞానమాల కార్యక్రమాన్ని ఘనంగా నిర్వహించారు. ముఖ్య అతిథిగా హాజరైన మన్నె శ్రీనివాస్  (అంబేద్కరైట్, బీజేపీ మల్కాజ్‌గిరి & మెడికల్ జిల్లా ప్రతినిధి) సభను ఉద్దేశించి ప్రసంగించారు.

ఆయన తన ప్రసంగంలో డాక్టర్ బి.ఆర్. అంబేద్కర్ ఆశయాలు, రాజ్యాంగ విలువలు మరియు సామాజిక న్యాయం, సమానత్వం సాధించడానికి నిరంతర పోరాటం అవసరాన్ని ప్రస్తావించారు. అలాగే యువత డాక్టర్ బి.ఆర్. అంబేద్కర్ జీవితాన్ని ఆదర్శంగా తీసుకుని, అణగారిన వర్గాల అభివృద్ధి కోసం కృషి చేయాలని పిలుపునిచ్చారు.

ఈ కార్యక్రమంలో పాల్గొన్న అంబేద్కర్ మిషన్ పెద్దలు, నాయకులు, కార్యవర్గ సభ్యులు అణగారిన వర్గాల రక్షణ, అభివృద్ధి కోసం కృషి చేయాల్సిన అవసరాన్ని, బాబాసాహెబ్ అంబేద్కర్ వారసత్వాన్ని ముందుకు తీసుకెళ్లాలని పేర్కొన్నారు. ఈ కార్యక్రమాన్ని విజయవంతం చేసిన వారిలో అనంతరాజ్, రమేష్ కమల, పురం కన్నయ్య, కే.ఏ. లక్ష్మి, సువర్ణ, చార్లిన్‌రాజ్, సి. సురేష్ (ఢిల్లీ), ఎస్. శివశంకర్, డా. నవీన్ రాజ్, కె.ఎం. సురేష్, ఓంకార్, శివలింగం, బాల్ మల్కేష్ తదితరులు పాల్గొన్నారు.

జయభేరి, సైదాపూర్ : కరీంనగర్ జిల్లా సైదాపూర్ మండలం దుద్దెనపల్లి గ్రామ అంబేద్కర్ యువజన సంఘం ఆధ్వర్యంలో  దేశంలోనే సామాజిక న్యాయసాధనకు గొప్ప కృషిచేసిన భారత మాజీ ఉప ప్రధాని Dr బాబు జగ్జీవన్ రావ్ 119వ జయంతి కార్యక్రమం ఘనంగా నిర్వహించడం జరిగింది.

సంఘం అధ్యక్షులు బోరగాళ్ల మల్లేష్, ఉపాధ్యక్షులు దూల సురేష్, మోలుగురి కిరణ్, ప్రధాన కార్యదర్శి మోలుగురి భూపతి, ఆర్గనైజింగ్ కార్యదర్శి బోరగాళ్ల రాజేందర్, సంయుక్త కార్యదర్శి కావంపల్లి రాకేష్, అంతేల్పుల రాజు, దూల పవన్, కోశాధికారి తునికి దేవేందర్, గౌరవ సలహాదారులు మట్టల రవీందర్, కొమ్ముల బిక్షపతి పాల్గొన్నారు.

ముఖ్యఅతిథిగా దుద్దెనపల్లి గ్రామ సర్పంచ్ ఉడికే విజయ రాజశేఖర్, కాంగ్రెస్ పార్టీ సీనియర్ నాయకులు గుండాల శ్రీనివాస్, ఆడేపు రాజేందర్, చిన్న వెంకటేశం, టిఆర్ఎస్ పార్టీ సీనియర్ నాయకులు సోమవారపు రాజయ్య, మాజీ సర్పంచ్ తాటిపల్లి యుగంధర్ రెడ్డి, మాజీ ఎంపీటీసీ మట్టెల రవీందర్, గోపాలమిత్ర రాష్ట్ర అధ్యక్షులు తాళ్లపల్లి శ్రీనివాస్ గౌడ్, దూల పోచయ్య, బోరగాళ్ల సంజీవ్, మాచర్ల రమేష్, పలుకుల సంఘం నాయకులు, మేధావులు, యువకులు తదితరులు పాల్గొన్నారు.

జయభేరి, మహేశ్వరం, మార్చి 12 :
మహేశ్వరం నియోజకవర్గం రామకృష్ణ పురం డివిజన్ కాంటెస్టెడ్ కార్పొరేటర్ పున్న నిర్మల పుట్టినరోజు సందర్భంగా సరూర్‌నగర్‌లోని విక్టోరియా మెమోరియల్ (VM) హోమ్ రెసిడెన్షియల్ స్కూల్‌లో నిర్వహించిన సేవా కార్యక్రమంలో మహేశ్వరం నియోజకవర్గ కాంగ్రెస్ పార్టీ సీనియర్ నాయకులు & టీపీసీసీ మెంబర్ దేప భాస్కర్ రెడ్డి ముఖ్య అతిథిగా హాజరై, పాఠశాల విద్యార్థులకు పండ్లు, పెన్నులు, నోట్ పుస్తకాలను పంపిణీ చేశారు.

ఈ సందర్భంగా మాట్లాడుతూ.. రాజకీయాల్లో ఉంటూనే సామాజిక బాధ్యతగా నిరుపేద విద్యార్థులకు అండగా నిలవడం అభినందనీయమని కొనియాడారు.పున్న నిర్మల గణేష్ నేత నిండు నూరేళ్లు ఆయురారోగ్యాలతో వర్ధిల్లాలని, భవిష్యత్తులో ప్రజలకు మరిన్ని సేవలు అందించాలని వారు ఆకాంక్షించారు.

ఈ కార్యక్రమంలో శ్రీ రామకృష్ణ పురం డివిజన్ కాంగ్రెస్ పార్టీ అధ్యక్షుడు పున్న గణేష్ నేత ప్రసన్నాంజనేయ స్వామి దేవాలయం చైర్మన్ తలాటి రమేష్ నేత, ఖిల్లా మైసమ్మ దేవాలయం చైర్మన్ సురేష్ కుమార్ VM స్కూల్‌ ప్రిన్సిపల్ నర్సింహ రెడ్డి సెక్రటరీ ప్రసాద్ అకాడమీ కోఆర్డినేటర్ మాధురి, జగన్నాథం నర్సింగ్, శివప్రసాద్, దోర్నాల చంద్రమౌళి, వనం వెంకటేశం, గజం వెంకటేశం, జెల్లా నరేందర్, రమాదేవి, సుజాత, స్రవంతి, అశ్విత, కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు..

జయభేరి, షాద్ నగర్, మార్చి 09 : రాష్ట్ర ప్రభుత్వం ప్రతిష్టాత్మకంగా చేపట్టిన 99 ప్రణాళిక కార్యాచరణలో భాగంగా షాద్‌నగర్ మున్సిపాలిటీ ఆధ్వర్యంలో సోమవారం పట్టణంలో 5కే రన్ ఘనంగా నిర్వహించారు. ఈ కార్యక్రమానికి స్థానిక ఎమ్మెల్యే వీర్లపల్లి శంకర్ ముఖ్య అతిథిగా హాజరై, జెండా ఊపి పరుగును ప్రారంభించారు. పట్టణ మున్సిపల్ కార్యాలయం వద్ద ప్రారంభమైన ఈ 5కే రన్, షాద్‌నగర్ ముఖ్య కూడలి వరకు సాగింది.

ఆరోగ్య అవగాహన, ప్రభుత్వ లక్ష్యాల సాధన ధ్యేయంగా సాగిన ఈ పరుగులో విద్యార్థులు, యువకులు భారీ సంఖ్యలో పాల్గొన్నారు. మార్గమధ్యలో యువత ఉత్సాహంగా నినాదాలు చేస్తూ పరుగును కొనసాగించారు. ఈ సందర్భంగా ఎమ్మెల్యే వీర్లపల్లి శంకర్ మాట్లాడుతూ.....రాష్ట్ర ప్రభుత్వం అమలు చేస్తున్న ప్రణాళికల్లో ప్రజలను, ముఖ్యంగా యువతను భాగస్వాములను చేయడమే ఈ కార్యక్రమ ఉద్దేశమని తెలిపారు. ఆరోగ్యవంతమైన సమాజ స్థాపనకు ఇలాంటి క్రీడా కార్యక్రమాలు దోహదపడతాయని ఆయన పేర్కొన్నారు. ముఖ్యంగా గత రెండు సంవత్సరాలుగా ప్రభుత్వం చేపట్టిన సంక్షేమ పథకాలను, భవిష్యత్తు ప్రణాళికలను ప్రజలకు వివరించాలనే ఈ కార్యక్రమాన్ని చేపట్టడం జరిగిందన్నారు. ఈ కార్యక్రమంలో హాజరైన మున్సిపల్ చైర్మన్ బసవేశ్వర్, వైస్ చైర్మన్ అందె మోహన్, కౌన్సిలర్లు, మున్సిపల్ అధికారులు, ప్రజా ప్రతినిధులు స్థానిక నాయకులు పాల్గొన్నారు.

జయభేరి, వెంకటాపురం, మార్చి 5 : వెంకటాపురం మండలం వి ఆర్ కె పురం గ్రామపంచాయతీ పరిధిలోని ఆర్ అండ్ బి రోడ్డు తోట మల్లికార్జున్ రావు ఇంటి వద్ద నుండి బొజ్జ లక్ష్మి ఇంటి వరకు ఎన్ఆర్ఈజీఎస్ నిధుల నుండి ఐదు లక్షల రూపాయల వ్యాయంతో మంజూరైన సిసి రోడ్డు పనులను గ్రామపంచాయతీ సర్పంచ్ బి రమ్య చేతుల మీదుగా ప్రారంభించారు. ఈ కార్యక్రమంలో ఉప సర్పంచ్ పూనెం రాజేశ్వరి, వార్డు సభ్యులు డర్ర రవి, బద్ది ప్రశాంత్,చెరుకూరి అజయ్, బివిఎస్ రాష్ట్ర అధ్యక్షులు డర్ర దామోదర్, రాష్ట్ర అధికార ప్రతినిధి తోట మల్లికార్జునరావు, కాంగ్రెస్ పార్టీ సీనియర్ నాయకులు నాయుడు, గారపు వెంకటేశ్వర్లు, భార్గవ్, ఆంజనేయులు, భరత్, సుజాత తదితరులు పాల్గొన్నారు.

జయభేరి, వెంకటాపురం,  మార్చి 5 : వెంకటాపురం మండలం ఆటో, కార్ డ్రైవర్లు వాహనాలను జాగ్రత్తగా నడిపి సురక్షితంగా గమ్యస్థానాలకు చేరుకోవాలని ఎటూర్ నాగారం ఏఎస్పీ మనన్ భట్ ఐపీఎస్ అన్నారు. తెలంగాణ పోలీస్ శాఖ ప్రతిష్టాత్మకంగా నిర్వహిస్తున్న అరైవ్.. అలైవ్ రోడ్డు భద్రతా అవగాహన కార్యక్రమం వెంకటాపురం మండల కేంద్రంలోని కాఫెడ్ స్కూల్ ఆవరణలో స్థానిక సర్కిల్ పోలీసులు నిర్వహించారు. ఈ కార్యక్రమానికి ఏఎస్పి ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ.. ఆటో డ్రైవర్లు,కారు డ్రైవర్లు తాము నడిపే వాహనాలను అత్యంత జాగ్రత్తగా నడపాలని సూచించారు. మీపై నమ్మకం పెట్టుకుని ప్రయాణించే ప్రయాణికులను సురక్షితంగా వారి గమ్యస్థానాలకు చేర్చడం డ్రైవర్ల బాధ్యత అని తెలిపారు.

రోడ్డు ప్రమాదాలను నివారించడానికి ప్రతి ఒక్కరూ ట్రాఫిక్ నియమాలను కచ్చితంగా పాటించాల్సిన అవసరం ఉందని చెప్పారు. అలాగే మద్యం సేవించి వాహనాలు నడపకూడదని ప్రత్యేకంగా హెచ్చరించారు. మద్యం సేవించి వాహనాలు నడపడం వల్ల ప్రమాదాలు జరిగి బాధిత కుటుంబాలకు తీరని నష్టం కలుగుతుందని పేర్కొన్నారు. ప్రతి వాహనదారుడు బాధ్యతతో వ్యవహరించి రోడ్డు భద్రతకు సహకరించాలని కోరారు.ఇంతకుముందు రోడ్డు ప్రమాదాలకు గురైన బాధితుల సందేశాలను కూడా వినిపించారు.వారి అనుభవాలను విన్న తర్వాత రోడ్డు భద్రత ఎంత ముఖ్యమో అందరికీ మరింత స్పష్టంగా తెలియజేశారు. అదేవిధంగా రోడ్డు ప్రమాదం జరిగినప్పుడు మొదటి గంటను గోల్డెన్ అవర్ గా పరిగణిస్తారని ఏఎస్పీ వివరించారు. ఆ సమయంలో క్షతగాత్రులను తక్షణమే ఆసుపత్రికి తరలిస్తే వారి ప్రాణాలను రక్షించే అవకాశం ఎక్కువగా ఉంటుందని చెప్పారు.

కేంద్ర ప్రభుత్వం ప్రవేశపెట్టిన గుడ్ సమారిటన్ పథకం ద్వారా ప్రమాదంలో గాయపడిన వారిని ఆసుపత్రికి తరలించిన వ్యక్తికి రూ.25 వేలు నగదు ప్రోత్సాహకం అందజేయబడుతుందని తెలిపారు. అనంతరం ప్రింట్, ఎలక్ట్రానిక్ మీడియా ప్రతినిధులకు హెల్మెట్లు పంపిణీ చేశారు. యువతలో క్రీడా స్ఫూర్తిని పెంపొందించేందుకు కార్యక్రమానికి హాజరైన వాలీబాల్ జట్లకు క్రీడా కిట్లు అందజేశారు. ఈ కార్యక్రమంలో వెంకటాపురం సి.ఐ ముత్యం రమేశ్, వెంకటాపురం ఎస్.ఐ కె.తిరుపతిరావు, వాజేడు ఎస్.ఐ జె.సతీష్,పేరూరు ఎస్.ఐ జి.కృష్ణ ప్రసాద్, పి.ఎస్.ఐలు జి.తిరుపతి రెడ్డి, ఎమ్.సాయికృష్ణ, పోలీస్ సిబ్బందితో పాటు రాజకీయ నాయకులు వాజేడు, వెంకటాపురం ఆటో యూనియన్ డ్రైవర్లు పాల్గొన్నారు.

జయభేరి షాద్ నగర్ ఫిబ్రవరి 28 : రంగా రెడ్డి జిల్లా షాద్ నగర్ నారాయణ పాఠశాలలో ఘనంగా అకడమిక్ ఫెయిర్ కార్యక్రమం. విద్యార్థులు తమ ప్రతిభను ప్రదర్శిస్తూ వివిధ సబ్జెక్టులకు సంబంధించిన  మోడల్స్  వారి సొంత నైతికతో ఏర్పాటు చేశారు. గణితం ,సైన్స్ ,సోషల్ స్టడీస్, భాషా విభాగాలకు సంబంధించిన స్టాల్స్ ఏర్పాటు చేసి విద్యార్థులు, వారి తల్లిదండ్రులకు  సందర్శకులకు తమ ప్రాజెక్టు వివరాలను  తెలిపారు. ప్రతి ఒక్కరికి ఒక కల ఉంటుంది అని అది విద్యార్థి దశలో మొదలుకొని ఉద్యోగం ,వ్యాపారం, వంటి అనేక రంగాలలో రాణించడానికి ఇలాంటి ఒక గొప్ప అవకాశాలు వినియోగించుకున్నందుకు తమకు ఎంతో ఆనందకరంగా ఉందని విద్యార్థులు అన్నారు.

విద్యార్థుల ప్రతిభ చూసిన ఉపాధ్యాయులు ఎంతో గర్వించారు. తమ విద్యార్థులు అనుకున్న రంగాలలో రాణించడానికి ఆశీర్వాదం ఎల్లప్పుడూ ఉంటుందని విద్యార్థులు భవిష్యత్తులో ఎంతో ఉన్నత స్థాయికి ఎదగాలని ఉపాధ్యాయులు అందరు విద్యార్థుల అభినందించారు. ఈ కార్యక్రమంలో ముఖ్య అతిథులుగా ఏజీఎం వెంకట్ రెడ్డి ,ప్రిన్సిపాల్ మాధవి ,హై స్కూల్ కోఆర్డినేటర్ నితిన్ కుమార్ రెడ్డి, అకాడమిక్ డీన్ అనురాధ, ఈ చాంప్స్ కోఆర్డినేటర్ రీనా గుప్తా , ఈ చాప్స్ వైస్ ప్రిన్సిపాల్ సంధ్యారాణి ,ఏవో శ్రీధర్ , ఉపాధ్యాయులు , తల్లిదండ్రులు తదితరులు పాల్గొన్నారు.

జయభేరి, షాద్ నగర్, ఫిబ్రవరి 16 : పుర పోరులో ఘన విజయం సాధించిన  హస్తం. పోరా హోరీగా ఉత్కంఠ పోరులో హస్తానికి కారుకు మధ్య పోటీలో షాద్ నగర్ మున్సిపల్ పీఠాన్ని కైవసం చేసుకున్న కాంగ్రెస్ పార్టీ. 

రంగారెడ్డి జిల్లా షాద్ నగర్ మున్సిపల్ ఎన్నికల్లో శుక్రవారం ఉత్కంఠ పోరులో వాడి వేడిగా కొనసాగిన ఎన్నికలలో అధికార పీఠాన్ని కాంగ్రెస్ పార్టీ సొంతం చేసుకుంది. చైర్మన్ పదవి ఎవరికీ అనే సందేశాలతో క్యాంపు రాజకీయాలతో గెలుపొందిన నాయకులకు సవాల్ గా మారిన పదవి చాలా సులువుగా ఎటువంటి గందరగోళం లేకుండా కాంగ్రెస్ పార్టీ నాయకులతో కలిసి ఎమ్మెల్యే వీర్లపల్లి శంకర్ షాద్ నగర్ మున్సిపల్ చైర్మన్ పదవి అగ్గునూరి బస్వంకు, వైస్ చైర్మన్ పదవి అందే మోహన్ లను నూతన కౌన్సిలర్లతో అధిక మెజార్టీతో ఎన్నుకున్నారు. ఈ సందర్భంగా ఎమ్మెల్యే వీర్లపల్లి శంకర్ నూతనంగా ఎన్నుకోబడిన చైర్మన్, వైస్ చైర్మన్, కౌన్సిలర్లకు అభినందనలు తెలిపారు.

గెలుపొందిన కాంగ్రెస్ నేతలు జాబితా వార్డుల వారిగా..2వ వార్డు బచ్చలి నరేష్, 5వ వార్డు సింగపాగ శిరీష, 6వ వార్డు రాజు నాయక్, 7వ వార్డు కొప్పునూరు ప్రవీణ్, 10వ వార్డు నడి కూడా శ్రావణి, 12వ వార్డు కలంకార్ దిలీప్, 13వ వార్డు హరిద్వానా ముబారక్ అలీ ఖాన్, 14వ వార్డు అందేమోహన్, 15 వ వార్డు మరియం బేగం సాదిక్, 17వ వార్డు నాజియో బేగం సర్వర్ పాషా, 18వ  వార్డు సంతోషి బాయ్ చందు, 23 వ వార్డు అగ్గునూరి బస్వం, 24 వ వార్డు విశాల విశ్వం, 25 వ వార్డు పెంటయ్య, 27వ వార్డు మురళీమోహన్ (అప్పి),.

బిఆర్ఎస్ అభ్యర్థుల జాబితా...1వ వార్డు, మహమ్మద్ గౌస్ జానీ, 3వ వార్డు,  అశోక్ యాదవ్,4వ వార్డు, చల్లా వాణీ పాండురంగారెడ్డి,11వ వార్డు పిల్లి శారద శేఖర్, 16 వార్డు ఒగ్గు విజయలక్ష్మి కిషోర్, 19వ వార్డు ఆల్ఫా బేగం అడ్డు, 20వ వార్డు పినమోని గోపాల్, 21వ వార్డు టీజీ వసంత శ్రీనివాస్, 22వ వార్డు నడి కూడా అనిత రఘునాథ్ యాదవ్, 26వ వార్డు ఎస్పీ శివ, 28 వార్డు చేకూరి లక్ష్మీ ప్రసన్న వేణుగోపాల్.

బీజేపీ ఒక స్థానం... 9 వ వార్డు ప్యాట అశోక్ కుమార్., 
స్వతంత్ర అభ్యర్థి ఒకటి... 8 వ వార్డు సుధీర్...నూతనంగా ప్రమాణ స్వీకారం చేసిన పాలకమండలి నాయకులందరికీ కాంగ్రెస్ పార్టీ షాద్ నగర్ ఎమ్మెల్యే వీర్లపల్లి శంకర్, మాజీ ఎమ్మెల్యే చౌలపల్లి ప్రతాప్ రెడ్డి, కాంగ్రెస్ పార్టీ సీనియర్ నాయకులు అదేవిధంగా బిఆర్ఎస్ పార్టీ, ఎమ్మెల్సీ నవీన్ కుమార్ రెడ్డి, మాజీ ఎమ్మెల్యే అంజయ్య యాదవ్, రవి యాదవ్, పార్టీ నాయకులు తదితరులు శుభాకాంక్షలు తెలిపారు. నూతన ప్రమాణ స్వీకార కార్యక్రమంలో ఎమ్మెల్యే శంకర్ తో పాటు ఆర్డీవో సరిత, ఎంపీడీవో బన్సీలాల్,ఎమ్మార్వో  నాగయ్య, మున్సిపల్ కమిషనర్ సునీత తదితరులు పాల్గొన్నారు.

జయభేరి, షాద్ నగర్, ఫిబ్రవరి 16 : రంగారెడ్డి జిల్లా కేశంపేట మండలంలోని అల్వాల గ్రామంలో మహాశివరాత్రి సందర్భంగా బండలాగుడు పోటీలు ప్రారంభమయ్యాయి. ఈ బండలాగుడు పోటీల  ప్రారంభోత్సవానికి ముఖ్యఅతిథిగా హాజరైన కేశంపేట మాజీ జెడ్పిటిసి శ్రీమతి తాండ్ర విశాల శ్రవణ్ రెడ్డి పూజా కార్యక్రమాలు నిర్వహించి  బండలాగుడు పోటీలను ప్రారంభించారు. బండలాగుడు పోటీల కార్యక్రమంలో గ్రామ సర్పంచ్ సురేష్ రెడ్డి, డిప్యూటీ సర్పంచ్ మల్లేష్, కమిటీ ప్రెసిడెంట్ మెంబర్స్, శ్రీనివాస్ మాధపురం మల్లేష్, తిరుమల రెడ్డి వెంకటేష్, చేగురి శ్రీశైలం పాండు ఆర్ శంకరయ్య, ఏ చంద్ర శేఖర్, నరేష్ కుమార్. కుమ్మరి రాజు, మహేందర్ తదితరులు, గ్రామస్తులు భారీ సంఖ్యలో పాల్గొన్నారు...

జయభేరి, షాద్ నగర్, జనవరి 31 : ప్రజా గాయకుడు గద్దర్ అని ఆయన ఎంతోమందిని చైతన్యపరిచి తెలంగాణ ఉద్యమంలో కీలక పాత్ర పోషించిన గొప్ప గాయకుడు ప్రజా యుద్ధ నౌక గద్దర్ (గుమ్మడి విఠల్ రావు)  అని షాద్ నగర్ ఎమ్మెల్యే వీర్లపల్లి శంకర్ అన్నారు. శనివారం ఎంపీడీవో కార్యాలయం అమరవీరుల స్తూపం దగ్గర తెలంగాణ ఉద్యమకారులతో కలిసి చిత్రపటానికి పూలమాలవేసి ఘన నివాళులర్పించిన ఎమ్మెల్యే శంకర్. ఈ సందర్భంగా ఎమ్మెల్యే శంకర్ మాట్లాడుతూ... తెలంగాణకు చెందిన ప్రముఖ విప్లవ కవి, ప్రజా గాయకుడు  ఆయన తన పాటల ద్వారా సామాజిక అసమానతలను ప్రశ్నిస్తూ, తెలంగాణ ప్రత్యేక రాష్ట్ర ఉద్యమంలో చురుకైన పాత్ర పోషించారు.

తన విలక్షణమైన శైలితో దశాబ్దాల పాటు ప్రజలను చైతన్యపరిచిన ప్రజా యుద్ధనౌకగా ఆయన గుర్తింపు  పొందాలని అన్నారు. ఈ కార్యక్రమంలో కాంగ్రెస్ సీనియర్ నేత తాండ్ర కాశీనాథ్ రెడ్డి, మార్కెట్ కమిటీ వైస్ చైర్మన్ బాబర్ ఖాన్, మాజీ జెడ్పీటీసీ వెంకట్ రాంరెడ్డి,కాంగ్రెస్ నేతలు , ఎండి.ఇబ్రహీం, బాధేపల్లి సిద్దార్థ, ఆశన్న గౌడ్, సోలిపుర్ శ్రీశైలంగౌడ్ ,ఉద్యమ కారుల వెల్ఫేర్ అసోసియేషన్ పట్టణ అధ్యక్షుడు శ్రీనివాస్ రెడ్డి, జేఏసీ నేతలు అర్జున్ కుమార్,  వెంకటయ్య, లింగారెడ్డి గూడ అశోక్ , రవి, తదితరులు పాల్గొన్నారు.

జయభేరి, మేడ్చల్ : తెలంగాణ తొలి ముఖ్యమంత్రి కేసీఆర్ కు సిట్ నోటీసులు జారీ సరికాదని, ప్రభుత్వం కక్ష్య సాధింపు చర్యలకు పాల్పడటం తగదని గుండ్లపోచంపల్లి మాజీ కౌన్సిలర్ అమరం జైపాల్ రెడ్డి తెలిపారు. ప్రజల కోసం ప్రాణాలు పణంగా పెట్టి ఉద్యమం చేసిన నాయకుడిపై చర్యలు తగవని, తెలంగాణ రాష్ట్రాన్ని సాధించి, ప్రజల ఆత్మగౌరవాన్ని నిలబెట్టిన నాయకుడు కేసీఆర్ అన్నారు. కాళేశ్వర జలాలతో లక్షల ఎకరాల భూమిని సస్యశ్యామలం చేసినందుకు, రైతుబంధు, రైతు బీమా ఇచ్చిన నాయకునిపై, వ్యవసాయాన్ని పండగల మార్చిన కేసీఆర్ పై సిట్ నోటీసులు ఇవ్వడం సరికాదన్నారు. కాంగ్రెస్ ప్రభుత్వం ప్రభుత్వ సంస్థల దుర్వినియోగానికి ఇది పరాకాష్ట అని కేసీఆర్ ని టచ్ చేస్తే తెలంగాణ రాష్ట్ర ప్రజల ఆత్మ గౌరవాన్ని టచ్ చేసినట్లే అని హెచ్చరించారు. తెలంగాణ రాష్ట్రాన్ని సాధించిన ఘనత కేసీఆర్ ది అని తెలిపారు. కాంగ్రెస్ ఇచ్చిన హామీలను పక్కదారి పట్టించేందుకు నోటీసుల పేరుతో డ్రామాలు చేస్తుందని ప్రభుత్వం ఎన్ని కుట్రలు చేసిన ప్రజా సమస్యలపై బిఆర్ఎస్ పార్టీ పోరాటాలు అగవని జైపాల్ రెడ్డి హెచ్చరించారు.

జయభేరి, మేడ్చల్ : ఫోన్ ట్యాపింగ్ కేసులో మాజీ ముఖ్యమంత్రి కేసీఆర్ ను పిలవడం రాజకీయ కుట్రలో భాగమే అని బిఆర్ఎస్ సీనియర్ నాయకుడు మెట్టు శ్రీకాంత్ రెడ్డి తెలిపారు. శనివారం ఆయన విలేకరులతో మాట్లాడారు. వెబ్ సిరీస్ ను తలపిస్తున్న ఫోన్ ట్యాపింగ్ విచారణ కేవలం ప్రజా సమస్యలను పక్కదారి పట్టించేందుకు మాత్రమే అన్నారు. గ్రూపు రాజకీయాలు, అవినీతి ఆరోపణలతో రేవంత్ రెడ్డి ప్రభుత్వం భవిష్యత్ అగమ్యగోచరంగా తయారైందని విమర్శించారు. తెలంగాణ ప్రజల ఎన్నో సంవత్సరాల చిరకాల ఆకాంక్ష స్వరాష్ట సాధనను సాకారం చేసిన గొప్ప నాయకుడు కేసీఆర్ అని అలాంటి నేతపై సిట్ నోటీసులతో బురదజల్లడం సరైన వ్యవహారం కాదని శ్రీకాంత్ రెడ్డి తెలిపారు. తెలంగాణ గుండె చప్పుడు కేసీఆర్ ను టార్గెట్ చేస్తూ ఎలాంటి సంబంధం లేని కేసులో విచారణ చేయడం వ్యవస్థలను దుర్వినియోగం చేసి బిఆర్ఎస్ పార్టీపై దుష్ప్రచారం చేస్తున్నారని ఆరోపించారు. బిఆర్ఎస్ అధినేత వ్యవస్థలపై విశ్వాసంతో విచారణకు సహకరిస్తారని, కాంగ్రెస్ ప్రభుత్వం కేసీఆర్ పై చేస్తున్న ఆరోపణలకు ప్రజలే బుద్ది చెబుతారని హెచ్చరించారు. ఎన్ని కుట్రలు చేసిన కాంగ్రెస్ పార్టీ ప్రజలకు ఇచ్చిన హామీలను అమలు చేసే వరకు బిఆర్ఎస్ పార్టీ నిత్యం పోరాటం చేస్తుందని శ్రీకాంత్ రెడ్డి పేర్కొన్నారు.

జయభేరి, మేడ్చల్ : కాంగ్రెస్ ప్రభుత్వం అమలు చేస్తున్న సంక్షేమ పథకాలు కాంగ్రెస్ పార్టీ అభ్యర్థులను గెలుపిస్తాయని మేడ్చల్ డివిజన్ సీనియర్ నాయకుడు రామన్నగారి రాఘవేందర్ గౌడ్ తెలిపారు. శనివారం ఆయన విలేకరులతో మాట్లాడుతూ ఎల్లంపేట్ మున్సిపల్ ఎన్నికల్లో కాంగ్రెస్ పార్టీ అత్యధిక స్థానాలను కైవసం చేసుకుని చైర్మన్ పీఠాన్ని హస్తగతం చేసుకుంటుందని ధీమా వ్యక్తం చేశారు. నిత్యం ప్రజలలో ఉంటూ ప్రజా సమస్యల పరిష్కారానికి పోరాటాలు చేసే నాయకులు కాంగ్రెస్ పార్టీ కౌన్సిలర్ అభ్యర్థులుగా టికెట్లు కేటాయించి బరిలో ఉన్నారని, రాష్ట్రంలో కాంగ్రెస్ పార్టీ అందిస్తున్న ప్రజాపాలనకు ప్రజల నుండి మంచి ఆదరణ ఉందన్నారు. మున్సిపల్ ఎన్నికల్లో ఓటర్లు అధికార పార్టీ వైపు ఉన్నారని, ఎల్లంపేట్ మున్సిపాలిటీ లోని 24 స్థానాలను కాంగ్రెస్ పార్టీ గెలుపు సాధిస్తుందన్నారు. 10 సంవత్సరాల బిఆర్ఎస్ పాలనలో చేసిన అభివృద్ధి ఏమి లేదని కెసిఆర్ రాష్టాన్ని అప్పుల ఊబిలో ముంచిందని రాఘవేందర్ గౌడ్ విమర్శించారు. కాంగ్రెస్ ప్రభుత్వం ఏర్పడిన రెండు సంవత్సరాలలో లక్ష ఉద్యోగాలు, ఇందిరమ్మ ఇల్లు, మహిళలకు ఉచిత బస్సు ప్రయాణం, రూ.500 లకు గ్యాస్ సిలిండర్, 200 యూనిట్ల విద్యుత్, రేషన్ కార్డుల పంపిణీ వంటి సంక్షేమ పథకాలు అమలు చేస్తుందన్నారు. మున్సిపల్ ఎన్నికల్లో ప్రజలు తమ ప్రాంత అభివృద్ధి కోసం కాంగ్రెస్ పార్టీ అభ్యర్థులకు మద్దతుగా ఓటు వేసి అధికార పార్టీకి పట్టం కట్టాలని కోరారు.

జయభేరి, మేడ్చల్ :
మాజీ ముఖ్యమంత్రి కేసీఆర్ కు సిట్ నోటీసులు ఇవ్వడాన్ని గుండ్లపోచంపల్లి బిఆర్ఎస్ నాయకులు కావేలి రాజిరెడ్డి తీవ్రంగా ఖండించారు. శుక్రవారం ముఖ్యమంత్రి రేవంత్ రెడ్డికి వ్యతిరేకంగా నినాదాలు చేస్తూ సీఎం డౌన్ డౌన్ అనే నినాదాలు చేస్తూ నిరసన తెలిపారు. ఈ సందర్భంగా యువ నాయకుడు కావేలి రాజిరెడ్డి మాట్లాడుతూ తెలంగాణ ప్రజల స్వరాష్ట్ర కాంక్షను సాకారం చేసి పదేళ్లు అద్భుతమైన పాలన అందించిన కేసీఆర్ ని బాదనం చేయడానికి కాంగ్రెస్ ప్రభుత్వం కుట్ర చేసిందని రాజిరెడ్డి ఆరోపించారు. ఈ కార్యక్రమంలో రంజిత్ రెడ్డి, ఆదర్శ్ రెడ్డి, మధుచారి, మనవ్ గౌడ్, శ్రీచరన్ రెడ్డి తదితరులు పాల్గొన్నారు.

జయభేరి, మేడ్చల్ : మేడ్చల్ జిల్లాలో జరుగుతున్న మున్సిపల్ ఎన్నికల ప్రచారంలో బిఆర్ఎస్ పార్టీ దూసుకుపోతుంది. మాజీమంత్రి మల్లారెడ్డి బిఆర్ఎస్ పార్టీ అభ్యర్థుల గెలుపు కోసం తనదైన శైలిలో ప్రచారంలో అన్ని పార్టీలకన్నా ముందున్నారు. శనివారం మున్సిపల్ ఎన్నికల ప్రచారంలో భాగంగా ఎల్లంపేట్ మున్సిపాలిటీ పరిధి బాండమాధారం, శ్రీరంగవరం, నూతనకాల్ గ్రామాల్లో బిఆర్ఎస్ పార్టీ అభ్యర్థులు 17వ వార్డు నర్సింహా, 18 వ వార్డు ఓం ప్రకాష్, 20వ వార్డు వరలక్ష్మి సురేందర్, 21వ వార్డు భాస్కర్, 16వ వార్డు సద్ది సురేష్ రెడ్డి మద్దతుగా రోడ్ షో నిర్వహించారు.

ఈ సందర్భంగా ఆయన మాట్లాడుతూ కాంగ్రెస్ ప్రభుత్వం గ్యారెంటిల పేరుతో పేద ప్రజలను నిండా ముంచిందని అధికారంలోకి వచ్చి రెండు సంవత్సరాలు గడుస్తున్నా గ్యారెంటిల అమలు ఊసే లేదని మల్లారెడ్డి ఎద్దేవాచేశారు. గతంలో కాంగ్రెస్ పార్టీ పాలనలో గ్రామాలను పట్టించుకోలేదని తను మంత్రిగా ఉన్న సమయంలో సొంత ఖర్చుతో గ్రామాలలో రోడ్లు, డ్రైనేజి వ్యవస్థ, ఆలయాల నిర్మాణం వంటి అభివృద్ధి కార్యక్రమాలు చేశానన్నారు. మాజీమంత్రి కేసీఆర్ 10 ఏళ్ళ పాలనలో ఇంటింటికి మంచినీరు, 24 గంటల విద్యుత్, రెండు వందల ఫించన్ ను రూ.2 వేల కు పెంచిన ఘనత కేసీఆర్ అని గుర్తు చేశారు.

అసెంబ్లీ ఎన్నికల్లో ఇచ్చిన ఆరు గ్యారెంటిలు ఎక్కడ పోయాయని ప్రశ్నించారు. మహిళలకు రూ.2500, ఆడబిడ్డకు ద్విచక్ర వాహనాలు, తులం బంగారం లాంటి ఉచిత హామీలు ఇచ్చి అధికారంలోకి వచ్చి అందరిని మోసం చేసారని విమర్శించారు. రెండేళ్లుగా రాష్ట్రంలో కాంగ్రెస్ చేసిన అభివృద్ధి శూన్యం అన్నారు. ప్రజలు మున్సిపల్ ఎన్నికల్లో అభివృద్ధి చేసిన పార్టీకి ఓటు వేసి గెలిపించాలని విజ్ఞప్తి చేశారు. ఈ కార్యక్రమంలో బిఆర్ఎస్ పార్టీ ఇంచార్జ్ మహేందర్ రెడ్డి, మున్సిపల్ ఎన్నికల ఇంచార్జి వెంకట్ రెడ్డి, బిఆర్ఎస్ సీనియర్ నాయకులు భాస్కర్ యాదవ్, ముద్దుల శ్రీనివాస్ రెడ్డి, జగన్ రెడ్డి, మెట్టు శ్రీకాంత్ రెడ్డి, దాయనంద్ యాదవ్, యూనిస్ పాషా, అకిటి నవీన్ రెడ్డి, జీవన్, సంజీవయ్య, రణదీప్ రెడ్డి, జైపాల్ రెడ్డి, సంజీవ్ గౌడ్, రఘుపతి రెడ్డి, సుశాంత్ రెడ్డి, శ్రవణ్ ముదిరాజ్ తదితరులు పాల్గొన్నారు.

జయభేరి, మేడిపల్లి :
భారత 77 వ గణతంత్ర దినోత్సవ వేడుకలు సోమవారం నాడు మేడిపల్లి ప్రెస్ క్లబ్ అధ్వర్యంలో ఘనంగా నిర్వహించారు. ఈ సందర్భంగా ప్రెస్ క్లబ్ ప్రధాన కార్యదర్శి వడ్డేమాను సుందర్  జాతీయ జెండావిష్కరణ కార్యక్రమాన్ని నిర్వహించారు. అనంతరం ప్రెస్ క్లబ్ అధ్యక్ష, కార్యదర్శులు చిర్ర శ్రీధర్ రెడ్డి,సుందర్ లు మాట్లాడుతూ.. భారత రాజ్యంగం ప్రపంచంలోనే అతిపెద్ద రాజ్యంగామని భారత రాజ్యాంగం ద్వారా అన్ని వర్గాలకు సమాజిక న్యాయం జరుగుతుందని రాజ్యంగా ఫలాలు అన్ని వర్గాలకు అందేలా మీడియా పాత్ర ఉండాలని సూచించారు. ఈ  కార్యక్రమంలో ప్రెస్ క్లబ్  ముఖ్య సలహాదారులు కల్కూరి ఎల్లయ్య, కోశాధికారి మారాటి మల్లేష్, సంయుక్త కార్యదర్శులు చిన్నం మధు, నీరుడు అంజన్,  కార్యవర్గ సభ్యులు బుషా గణేష్, శేరి కరుణాకర్ రెడ్డి, సభ్యులు సీహెచ్ రవి కుమార్, కొండకింద సురేందర్ రెడ్డిలు పాల్గొన్నారు.

జయభేరి, కరీంనగర్ :
కరీంనగర్ పట్టణ పద్మశాలి సంఘం గడ్డం శ్రీరాములు ఆధ్వర్యంలో శ్రీ లక్ష్మీ పద్మావతి సమేత శ్రీ వెంకటేశ్వర స్వామి వారి బ్రహ్మోత్సవాల సందర్భంగా పద్మశాలి ఆడబిడ్డ పద్మావతి అమ్మవారికి పుట్టింటి కానుకగా పట్టు వస్త్రాలు, తలంబ్రాలు, సారె పద్మశాలి సమాజం పక్షాన సమర్ఫించడం జరిగినది. పద్మశాలి కులబంధువులందరరు  కుటుంబ సమేతంగా సాంప్రదాయ దుస్తులతో శోభయాత్రగా వచ్చి అమ్మవారికి సారె సమర్పించడం జరిగినది. తిరుచానూర్ తిరుపతిలో అధికారికంగా పద్మావతి అమ్మ వారికి సారె సమర్పించడం జరుగుతుంది. అక్కడి సంప్రదాయన్ని మేము ఆనవాయితీగా సారె సమర్పించడం జరిగినది. వెంకటేశ్వర స్వామి వారి కళ్యానికి ముందు రోజు సమర్పించడం మా అదృష్టం.. ఈ కార్యక్రమంలో జిల్లా పద్మశాలి సంఘం అధ్యక్షులు మెతుకు సత్యం, జిల్లా పద్మశాలి సంఘం గౌరవ అధ్యక్షులు వాసాల రమేష్, POPA జిల్లా అధ్యక్షులు పోలు సత్యనారాయణ, దేవసాని పాపన్న, మోర రాజేశం, అల్స భద్రన్న, జిల్లా యువజన సంఘము అధ్యక్షులు గుడిమల్ల శ్రీకాంత్, పట్టణ పద్మశాలి సంఘం ప్రధాన కార్యదర్శి వంగర ఆంజనేయులు, కోశాధికారి గజవెల్లి కనకయ్య, ఉపాధ్యక్షులు తేల్ల చంద్రశేఖర్, ఎలిగేటి శ్రీనివాస్, సంయుక్త కార్యదర్శి వడ్డేపల్లి జ్యోతి, ఉషకోయిల సుజాత, బొల్లి రవి, పొరండ్ల రమేష్, నల్ల శ్రీధర్, మాసం సుధాకర్ బొల్లబత్తిని రవీందర్ తదితరులు చాలామంది పాల్గొన్నారు.

జయభేరి, అల్వాల్ : 
77వ భారత గణతంత్ర దినోత్సవ సందర్భంగా లోతుకుంట ప్రాంతంలో ఉన్న బాబాసాహెబ్ అంబేద్కర్ విగ్రహానికి పూలమాలలు వేసి ఘనంగా సన్మానించారు లోతుకుంటలోని అంబేద్కర్ వాదులు కేడి రమేష్ సీనియర్ జర్నలిస్టు సంకసర్ల సువర్ణ తదితరులు. ఈ సందర్భంగా కేడీ రమేష్ మాట్లాడుతూ.. అంబేద్కర్ కలలుగన్న భారత స్వతంత్ర దేశంలో బడుగు బలహీనులకు విద్య వైద్యం ఆరోగ్యం అందకుండా పోతుందని అలాంటి తరుణంలో తనకున్న శక్తి మేర బడుగు బలహీన వర్గాలకు ఒక గ్రంథాలయాన్ని ఏర్పాటు చేస్తూ పేదలందరికీ అందుబాటులో విద్యను అందే విధంగా కృషి చేస్తానని మీడియా ముఖంగా తెలియజేశారు. ముఖ్యంగా అంబేద్కర్ తన జీవితం మొత్తం రాజ్యాంగ రచనలో ధారపోసి భారత రాజ్యాంగ నిర్మాతగా ప్రపంచ మేధావిగా పేరు ప్రఖ్యాతలు సంపాదించుకుంది ఆయన కలలుగన్న భారత స్వాతంత్రం కోసమని ఆ దిశగా ప్రతి ఒక్కరు పని చేయాలని ఆయన పిలుపునిచ్చారు. భారతదేశానికి గణతంత్ర దినోత్సవంగా 77 సంవత్సరాలు దాటుతున్న ఇంకా బడుగు బలహీన వర్గాలకు ఆర్థిక రాజకీయ స్వాలంబన రాకపోవడం పేద వర్గాలు పేదవారీగా మిగిలిపోవడం ధనికవర్గాలు ఉన్నత ధనిక వర్గాలుగా మారిపోవడం అభివృద్ధికి నిదర్శనం కాదని ఆయన ఎద్దేవా చేశారు. ఈ కార్యక్రమంలో పలువురు అంబేద్కర్ వాదులు పాల్గొని అంబేద్కర్ జ్ఞానమాల కార్యక్రమాన్ని విజయవంతం చేశారు.

జయభేరి, సైదాపూర్ : నూతన కమిటీ  జిల్లా అధ్యక్షులుగా సైదాపూర్ మండల్ దుద్దెనపల్లి గ్రామానికి చెందిన తాల్లపల్లి శ్రీనివాస్ గౌడ్ ను అధ్యక్షులుగాఏకగ్రీవంగా ఎన్నుకోవడం జరిగింది గౌరవ అధ్యక్షుడు అనువంక ఐలయ్య, ఉపాధ్యక్షులు కొమ్మెర రవీందర్ రెడ్డి, ప్రధాన కార్యదర్శి బుర్ల కుమారస్వామి, కోశాధికారి పత్తేo ఆంజనేయులు, సహాయకార్యదర్శి సముద్రాల రాజుకుమార్, ప్రచార కార్యదర్శి గుర్రాల రాజేందర్, గౌరవ సలహాదారులు దుడ్డేల వెంకటీ, కొల్లూరి బాబూరావు, కార్యవర్గ సబ్యులు బుద్ధార్థి సంపత్, రంగు సంపత్, ఇజ్జగిరి సురేష్, పడల సంతోష్, బోలుమల్ల సురేష్  ఎన్నుకోవడం జరిగింది.

ఈ కార్యక్రమంలో గోపాలమిత్ర అధ్యక్షుడు తాళ్లపల్లి శ్రీనివాస్ మాట్లాడుతూ.. గోపాలమిత్ర సభ్యులను కాంగ్రెస్ గవర్నమెంట్ రెగ్యులరైజ్ చేయాలని ఇంతకుముందు ఒక లక్ష రూపాయలు ఇన్సూరెన్స్ ఉంది. దానిని ఐదు లక్షల వరకు పెంచాలనివారు విన్నవించుకున్నారు. ఈ కార్యక్రమంలో గోపాలమిత్ర జిల్లా సభ్యులు అందరూ పాల్గొనడం జరిగింది.

జయభేరి, మేడ్చల్ : సంక్రాంతి పండుగ వస్తుందంటే చాలు.. ఎక్కడ చూసినా ఒక సంతోషకర వాతావరణం కనిపిస్తుంటుంది. వీటిలో పంతంగులు ఎగురవేయడం ఒకటి. అయితే... ఈ పతంగులకు చైనా మాంజా వాడుతుండడం ప్రమాదాలకు కారణమవుతోంది. ఈ మంజా చుట్టుకొని గాయపడడమేగాక ప్రాణాలు సైతం కోల్పోతున్నారు. సంక్రాంతి పండుగ నేపథ్యంలో చిన్నాపెద్దా తేడా లేకుండా పతంగులు, మాంజా, చరఖ్ లను కొనుగోలు చేస్తున్నారు.

సాధారణంగా కాటన్ తో తయారు చేసిన మాంజాను వినియోగిస్తుంటారు. కానీ ఎదుటి వారి గాలి పటాలను కట్ చేయాలనే ఉత్సాహంతో చైనా మాంజా వాడుతున్నారు. దీంతో ప్రమాదాలు జరిగి ప్రాణాలు కోల్పోతున్నారు. ఈ క్రమంలో నిషేధిత మాంజా విక్రయదారులపై పోలీసులు దృష్టి సారించారు. ప్రతి ఏటా చైనా మాంజాలతో మెడకు, కాళ్ళకు చుట్టుకుని తీవ్ర ప్రమాదాల బారిన  పడుతున్నారు. మాంజాను ఎక్కడపడితే అక్కడ రోడ్లపై పడేస్తుండటంతో వాహనాల చక్రాలకు చుట్టుకుని ప్రమాదాలు జరిగిన ఘటనలు కూడా ఉన్నాయి. పక్షులు సైతం ప్రాణాలు కోల్పోతుండటంతో గతంలోనే ప్రభుత్వం ఈ మాంజాను నిషేధించింది. అయినప్పటికీ అక్రమంగా విక్రయాలు కొనసాగుతూనే ఉన్నాయి.

విక్రయిస్తున్నవారిపై కేసులు.. 
నిషేధిత సింథ టిక్ నైలాన్ గ్లాస్ కోటెడ్ చైనా మాంజా విక్రయాలపై మేడ్చల్ పోలీసులు దృష్టి సారించారు. మేడ్చల్, షామీర్పేట తదితర పోలీసు స్టేషన్ల పరిధిలోని పలు ప్రాంతాల్లో గాలిపటాలు, మాంజా విక్రయిస్తున్న దుకాణాల్లో తనిఖీలు నిర్వహిస్తున్నారు. 

చైనా మాంజా విక్రయిస్తే చర్యలు తప్పవు: సత్యనారాయణ సీఐ, మేడ్చల్... పోలీస్ స్టేషన్ పరిధిలో చైనా మంజల విక్రయంపై ప్రత్యేక నిఘా ఏర్పాటు చేశాం. బృందాలుగా ఏర్పాటు చేసి దుకాణాలలో తనిఖీలకు ఆదేశించాం. నిషేధిత మాంజాలు అమ్మకుండా దుకాణదారులకు సూచించాం.

జయభేరి, మేడ్చల్ : మేడ్చల్ మాజీ సర్పంచ్ రామన్నగారి రాజేశ్వర్ గౌడ్ ( చిలుక రాజు) 64వ జయంతి వేడుకలను అంగరంగ వైభవంగా ఘనంగా నిర్వహించారు. మేడ్చల్ లోని పెద్ద చెరువు సమీపంలో ఉన్న ఆయన విగ్రహానికి  పూల మాలలు వేసి  ఘనంగా నివాళులు అర్పించారు. అంతేకాకుండా సర్పంచ్ గా ఉన్న సమయంలో రామన్న గారి రాజేశ్వర్ గౌడ్ ( చిలుక రాజు ) చేసిన సేవలను స్మరించుకున్నారు. కులాలకు అతీతంగా ప్రతి ఒక్కరికి అన్ని రకాల సహకారాలు అందిస్తూ రామన్న గారి రాజేశ్వర్ గౌడ్ ( చిలుక రాజు) అందరూ మనసులో నిలిచారని  గుర్తు చేసుకున్నారు.

తండ్రి బాటలో తనయుడు... తనయుడు రామన్నగారి మణికంఠ గౌడ్ తండ్రి బాటలో నడుస్తూ పలు అభివృద్ధి కార్యక్రమాలకు చేయూతనిస్తున్నారు. మాజీ కౌన్సిలర్ గా  ప్రజల మన్నలను పొందుతున్న రామన్నగారి మణికంఠ గౌడ్  తన తండ్రి చిలుక రాజు జయంతిని పురస్కరించుకొని శివపేటికలను పూడూరు, 1 రాయిలాపూర్, గిర్మాపూర్ ల కు కలిపి 1 ప్రజల సౌకర్యం  శవపేటికలను విరాళంగా అందజేశారు.

ఇదే విధంగా గిర్మాపూర్ లో వార్డు కార్యాలయంలో పనిచేసే  వారి కష్టాన్ని గుర్తించి ఒక్కొక్కరికి పది మంది కార్మికులకు రూ.1000 వేల చొప్పున ఉచితంగా అందజేశారు. దీంతో స్థానికులు తండ్రి బాటలోనే తనయుడు కూడా  నడుస్తున్నారు అంటూ రామన్న మణికంఠ పై  ప్రశంస జల్లులు కురిపించారు. ఈ సందర్భంగా నిర్వహించిన అన్నదాన కార్యక్రమానికి విశేష స్పందన లభించింది. ఈ అన్నదాన కార్యక్రమానికి దాదాపు 1000 మంది హాజరయ్యారు. ఈ కార్యక్రమంలో మాజీ కౌన్సిలర్ హనుమంత్ రెడ్డి, బల్రెడ్డి, మాజీ బీజేపీ అధ్యక్షులు ఆంజనేయులు, రాఘవరెడ్డి, సత్యనారాయణ, రాజిరెడ్డి, మామిండ్ల వేణు, చీరల రాము, శేఖర్, వెంకటేశ్, ప్రభు,చంద్ర శేఖర్, శ్రిపాల్, జావిద్, అర్జున్, వంశీ తదితరులు పాల్గొన్నారు.

జయభేరి, మేడ్చల్ :
కాంగ్రెస్‌ ప్రభుత్వం ఇచ్చిన హామీ మేరకు అర్హత ఉన్న ప్రతి రైతుకు డబిల్ పూర్ పిఏసీఎస్ చైర్మన్ సురేష్ రెడ్డి అన్నారు. రైతులకు ప్రభుత్వం చెల్లించాల్సిన రుణమాఫీ ని అందరి రైతులకు పూర్తిస్థాయిలో అమలు చేయాలని కోరుతూ రైతులతో కలిసి జిల్లా వ్యవసాయ అధికారులకు వినతిపత్రాన్ని అందజేశారు.

ఈ సందర్భంగా వారు మాట్లాడుతూ పిఏసీఎస్ డబిల్ పూర్ సొసైటీలో రుణమాఫీ కి అర్హత గల 668 రైతులు ఉండగా 347కి, పిఏసీఎస్ మేడ్చల్ సొసైటీ లో 449 రైతులకు 351 మందికి, పిఏసీఎస్ పుడూర్ సొసైటీ లో 650 మందికి 210 మంది రైతులకు, డబిల్ పూర్ ఎస్.బి.ఐ బ్యాంకు లో 400 మందికి రుణమాఫీ జరిగిందన్నారు. ప్రభుత్వం రైతులకు సకాలంలో రుణమాఫీ చేయకపోవడం వల్ల బ్యాంకులు రైతుల అకౌంట్లు హోల్డ్ చేస్తున్నాయని దింతో వడ్డీ శాతం 7 బదులు 11 శాతం వడ్డీ విదిస్తుందని పేర్కొంటున్నారు. ప్రభుత్వం ఇప్పటికైనా రైతులకు రుణమాఫీ చేయకపోతే రైతుల పక్షాన కోర్టుకు వెళ్లాడాని సిద్ధంగా ఉన్నామన్నారు.

జయభేరి, షాద్ నగర్, జనవరి 12 : రంగారెడ్డి జిల్లా షాద్ నగర్ పట్టణ బైపాస్ కేశంపేట రోడ్డులో మహబూబ్ నగర్ వెళ్తున్న  బీఆర్ఎస్ వర్కింగ్ ప్రెసిడెంట్ కేటీఆర్ కు షాద్ నగర్ లో మాజీ ఎమ్మెల్యే వై. అంజయ్య యాదవ్ ఆధ్వర్యంలో పెద్ద ఎత్తున ఆరు మండలాల నుండి పట్టణం నుండి ఇసుకేస్తే రాలనంత కార్యకర్తలు కేటీఆర్ కు ఘన స్వాగతం పలికారు.

ఆ ప్రాంతమంతా జనసంద్రోహంతో  మారిపోవడంతో కాన్వాయ్ నుండే కేటీఆర్ అంజన్న ఎక్కడ అంటూ దగ్గరికి తీసుకున్నారు ఇంతలోనే కార్యకర్తలు పెద్ద ఎత్తున సీఎం సీఎం అంటూ నినాదాలు చేశారు ఈ సందర్భంగా కేశంపేట మాజీ ఎంపీపీ బీఆర్ఎస్ సీనియర్ నాయకులు వై.రవీందర్ యాదవ్ మాట్లాడుతూ... కేవలం ఒక్క చిన్న పాటి మెసేజ్ తోనే కేటీఆర్ కు స్వాగతం పలికేందుకు కార్యకర్తలు ఇంత పెద్ద ఎత్తున వస్తున్నారంటే కాంగ్రెస్ ప్రభుత్వం ప్రజలకు ఇచ్చిన గ్యారెంటీలను ఎంత మేరకు మోసం చేస్తుందో అర్థమవుతుందన్నారు.

ఇది  బహిరంగ సభ కాదన్నారు కేవలం కేటీఆర్ కి స్వాగతం పలికేందుకే ఒక్క మెసేజ్ ద్వారా ఇంత పెద్ద ఎత్తున జనసందోహంతో నిండిపోయిందన్నారు. భవిష్యత్తులో బీఆర్ఎస్ ప్రభుత్వం అధికారంలోకి రావడం ఖాయమన్నారు. వచ్చే మున్సిపల్, పరిషత్, అన్ని ఎన్నికల్లో బిఆర్ఎస్ పార్టీ అందిస్థానాలలో కాంగ్రెస్ ప్రభుత్వానికి గట్టి పోటీ ఇచ్చి గెలుపే లక్ష్యంగా పూర్తిస్థాయిలో తమ అభ్యర్థులను  గెలిపించుకుంటామని అన్నారు.

కేటీఆర్ రాకతో షాద్ నగర్ లో కొత్త జోష్.... కేటీఆర్ బి ఆర్ ఎస్ పార్టీకి ఒక వర్కింగ్ ప్రెసిడెంట్ లా కాకుండా ఒక సామాన్యుడిలా అందరిని పలకరించి కొద్దిసేపు ముచ్చటించడంతో  నియోజకవర్గంలోని ఆరు మండలాల కార్యకర్తలు ఆనందం వ్యక్తం చేశారు. భవిష్యత్తులో కేటీఆర్ ముఖ్యమంత్రి అవుతారని సీఎం సీఎం అని భారీ ఎత్తున నినాదాలు చేశారు. ఈ కార్యక్రమంలో షాద్ నగర్ నియోజకవర్గంలోని ఆరు మండలాల ముఖ్య నాయకులు  కార్యకర్తలు  భారీ సంఖ్యలో పాల్గొన్నారు..

జయభేరి, షాద్ నగర్, జనవరి 12 : ఉమ్మడి పాలమూరు ఎమ్మెల్సీ నవీన్ రెడ్డి సిఫారసు మేరకు ముఖ్యమంత్రి సహాయ నిధి ద్వారా  కేశంపేట మండలంలోని రాగ్యతాండకు చెందిన ఆంగోతు అఖిల్  కు మంజూరైన చెక్కును ఎమ్మెల్సీ నవీన్ రెడ్డి కార్యాలయం షాద్ నగర్ లో  కేశంపేట మండల నాయకులు పోమాల్ పల్లి సర్పంచ్ స్వప్నభూపాల్ రెడ్డి,పాపిరెడ్డిగూడ మాజీ సర్పంచ్ తాండ్ర విష్ణువర్ధన్ రెడ్డి,కాకునూరు మాజీ సర్పంచ్ యారం శేఖర్ రెడ్డి,దేవుని గుడితండా మాజీ సర్పంచ్ శంకర్ నాయక్ తదితరులు లబ్ధిదారునికి చెక్కును అందజేశారు.