జయభేరి, దేవరకొండ :
దేవరకొండలో జరిగిన నాయిదొరా జానపద నృత్య షూటింగ్ ప్రారంభం కార్యక్రమంలో RK సేవా ఫౌండేషన్  ముహూర్తం షూట్ ను ప్రారంభించడం జరిగింది. ఈ కార్యక్రమంలో RK సేవా ఫౌండేషన్ అధ్యక్షులు పున్న రామకృష్ణ మాట్లాడుతూ... మల్టి టాలెంట్ అవార్డు గ్రహీత ఈ యొక్క సాంగ్ హీరో అయినా ముషీని అంజి ని అభినందిస్తూ వారు దేవరకొండ తెస్తున్న కీర్తి ప్రతిష్ట చేస్తున్న సేవలు చాలా అభినందనియమని, వారు చేస్తున్న ఈ సాంగ్ ఎన్నో అవార్డ్స్ పొందుకోవాలని మంచి పేరు తెచ్చి పెట్టాలని కొనియాడడం జరిగింది, డాన్సర్ కళ్యాణి మరియు కొరియగ్రాపర్ మాస్టర్ జగన్ కు మంచి గుర్తింపురావాలని డాన్స్ యూనిట్ కు శుభాకాంక్షలు తెలియజేయడం జరిగింది. ఈ కార్యక్రమంలో  ఉప అధ్యక్షులు చిత్తనూరు మాస్టర్ శ్రీనివాస్,ప్రధాన కార్యదర్శి పొట్ట విజయ్ కుమార్, మాకబుల్,గుండాల వెంకట్ యాదవ్, టోంగర్ ప్రతాప్,  తదితరులు పాల్గొన్నారు.

జయభేరి, హైదరాబాద్, మే 1 :
టాలీవుడ్ సూపర్ స్టార్ మహేశ్ బాబు.. ప్రస్తుతం దర్శక ధీరుడు ఎస్ఎస్ రాజమౌళితో సినిమా చేస్తున్నారు. గ్లోబల్ రేంజ్‍లో భారీ బడ్జెట్‍తో రూపొందుతున్న ఈ మూవీ షూటింగ్ కొన్ని రోజులుగా జోరుగా సాగుతోంది. అయితే, సమ్మర్ వచ్చేయడంతో బ్రేక్ తీసుకునేందుకు మహేశ్ డిసైడ్ అయ్యారు. పెద్ది షూటింగ్ నుంచి మెగా పవర్ స్టార్ రామ్‍చరణ్ కూడా విరామం తీసుకున్నారట. ఎస్ఎస్ఎంబీ29 షూటింగ్ ప్రస్తుతం హైదరాబాద్‍లోనే సాగుతోంది. మహేశ్ బాబు, ప్రియాంక చోప్రా మధ్య పాటను రాజమౌళి చిత్రీకరిస్తున్నారని షూటింగ్ అప్‍డేట్ బయటికి వచ్చింది. అయితే, ఈ షెడ్యూల్ నేటితోనే ఫినిష్ కానుందని సమాచారం. దీంతో నెలరోజుల పాటు బ్రేక్ తీసుకోనున్నారట మహేశ్ బాబు.

నెల రోజుల సమ్మర్ బ్రేక్‍లో ఫ్యామిలీతో కలిసి మహేశ్ వెకేషన్‍కు వెళ్లే ఛాన్స్ ఉంది. విరామం తర్వాత మళ్లీ షూటింగ్‍లో పాల్గొంటారు. ఈ చిత్రంలో మలయాళ స్టార్ పృథ్విరాజ్ సుకుమారన్ కూడా ఓ కీలకపాత్ర పోషిస్తున్నారు. ఈ ప్రాజెక్ట్ గురించి ఇటీవలే ఓ క్రేజీ రూమర్ వచ్చింది. డ్రాగన్ల బ్యాక్‍డ్రాప్‍లో ఓ ఫైట్ సీన్‍ను డైరక్టర్ రాజమౌళి ప్లాన్ చేస్తున్నారనే ఊహాగానాలు వినిపించాయి.సుమారు రూ.1000కోట్ల భారీ బడ్జెట్‍తో ఎస్ఎస్ఎంబీ29 చిత్రం రూపొందనుందనే అంచనాలు ఉన్నాయి. ఆర్ఆర్ఆర్ చిత్రంతో గ్లోబల్ రేంజ్‍లో రాజమౌళి పాపులర్ అయ్యారు. దీంతో ఇంటర్నేషనల్ టార్గెట్‍గా ఈ అడ్వెంచర్ యాక్షన్ మూవీని తెరకెక్కిస్తున్నారు. ఈ మూవీకి మైథలాజికల్ టచ్ కూడా ఉంటుందనే రూమర్ ఉంది.

ఇటీవలే హిట్ 3 ప్రీ-రిలీజ్ ఈవెంట్‍కు హాజరైన రాజమౌళిని ఎస్ఎస్ఎంబీ29 అప్‍డేట్ కోసం సుమ అడిగితే.. ఆయన ఏమీ చెప్పలేదు.పెద్ది సినిమా షూటింగ్‍లో కొన్ని వారాలుగా ఫుల్ బిజీగా ఉన్నారు రామ్‍చరణ్. ఈ చిత్రానికి ఉప్పెన ఫేమ్ డైరెక్టర్ బుచ్చిబాబు సాన దర్శకత్వం వహిస్తున్నారు. ఇటీవలే వచ్చిన పెద్ది గ్లింప్స్ మోతమోగించింది. ఈ సినిమా షూటింగ్ హైదరాబాద్‍లో కొన్ని రోజులుగా సాగుతోంది. అయితే, షూటింగ్ నుంచి చరణ్ ప్రస్తుతం బ్రేక్ తీసుకున్నారని తెలుస్తోంది.షూటింగ్ నుంచి రామ్‍చరణ్ మూడు వారాల విరామం తీసుకోనున్నారు. ఫ్యామిలీతో కలిసి లండన్ వెకేషన్‍కు వెళ్లనున్నారు. లండన్‍లోని మేడమ్ టుస్సాడ్స్ మ్యూజియంలో రామ్‍చరణ్ మైనపు విగ్రహ ఆవిష్కరణ మే 9న జరగనుంది.

ఈ కార్యక్రమానికి చరణ్ హాజరుకానున్నారు. అలాగే, లండన్‍లోనే వెకేషన్ ఎంజాయ్ చేయనున్నారు.పెద్ది చిత్రంలో రామ్‍చరణ్ సరసన జాన్వీ కపూర్ హీరోయిన్‍గా నటిస్తున్నారు. కన్నడ స్టార్ శివరాజ్ కుమార్, దివ్యేందు కీలకపాత్రలు పోషిస్తున్నారు. ఈ మూవీని మైత్రీ మూవీ మేకర్స్, వృద్ధి సినిమా బ్యానర్లు ప్రొడ్యూజ్ చేస్తున్నాయి. ఆస్కార్ విన్నర్ ఏఆర్ రహమాన్ ఈ చిత్రానికి సంగీతం అందిస్తున్నారు. వచ్చే ఏడాది 2026 మార్చి 27న ఈ సినిమాను రిలీజ్ చేయనున్నట్టు మేకర్స్ ఇప్పటికే ప్రకటించారు. ఈ సినిమా రామ్‍చరణ్ రస్టిక్ మాస్ లుక్‍లో ఉన్నారు. ఈ మూవీ నుంచి వచ్చిన గ్లింప్స్ అదిరిపోయే రెస్పాన్స్ దక్కించుకుంది. చిత్రంపై హైప్‍ను మరింత పెంచేసింది.

జయభేరి, హైదరాబాద్ :
ఆస్కార్ అవార్డ్ విజేత ప్రముఖ గేయరచయిత అయిన చంద్రబోస్ తుగ్లక్ అనే చిత్రం ద్వారా నటుడిగా వెండితెరకు పరిచయం అయ్యాడు. ఈ చిత్రం అమెజాన్‌ప్రైమ్‌లో రిలిస్ అయి మంచి హిట్ టాక్‌తో దూసుకుపోతున్న సమయంలో చిత్రయూనిట్ మీడియతో ముచ్చటించారు. 

చంద్రబోస్ నటించిన విధానం రఘు కుంచెతో కలిసి చేసిన ప్రతి సన్నివేశాలు ప్రేక్షకుల్ని ఆలరించే కథ కథనం విషయంలో దర్శకుడు జయం ప్రణీత్ ప్రతి సన్నివేశాన్ని ఉత్కంఠ పరిచేలా చిత్రీకరించారు. సుమన్ శెట్టి కామెడీ కడుపుబ్బ నవ్విస్తుంది కొత్త వారైనా అందరూ కూడా తమ పరిధిలో ఆలరించారు జబర్దస్త్ శేషు శాంతి కుమార్ బస్టాప్ కోటేశ్వరరావు శేఖర్ చారి బాలకృష్ణ రాఘవేంద్ర కురుపు దాడి శేఖర్ సంగీతం మహేష్ ధీర, అనిల్ నండూరి సినిమాటోగ్రాఫర్ కిషోర్ కుమార్ విన్నకోట,నిర్మాత వర్మ గీత కాదా స్క్రీన్ ప్లే డైలాగ్స్ దర్శకత్వం జయ ప్రణీత్ తదితరులు పాల్గొన్నారు.

అభిమానులు ఎప్పుడెప్పుడా అని ఎదురుచూస్తున్న క్షణాలు వచ్చేశాయి. ఎన్టీఆర్ సోలో హీరోగా బాక్సాఫీస్ ‘దేవర’ అవుతానంటూ మన ముందుకు వచ్చేసాడు. ఈ నేపధ్యంలో అభిమానుల ఆరేళ్ల ఎదురుచూపులకు `దేవర` సమాధానం చెప్పారా?  అనేది రివ్యూలో తెలుసుకుందాం.

కొరటాల శివ దర్శకత్వం వహించిన `దేవర`లో ఎన్టీఆర్ కి జోడీగా జాన్వీ కపూర్‌ నటించింది. సైఫ్‌ అలీ ఖాన్‌, శ్రీకాంత్‌ ముఖ్య పాత్రలు పోషించారు. కళ్యాణ్‌ రామ్‌, సుధాకర్‌ మిక్కిలినేని సంయుక్తంగా నిర్మించారు. నేడు శుక్రవారం (సెప్టెంబర్‌ 27న) విడుదలైన ఈ మూవీ ఎలా ఉందో ఇప్పుడు చూద్దాం. . 

కథేంటి...
1996లో వరల్డ్ కప్ క్రికెట్ మ్యాచులు జరిగే స్టేడియాలపై బాంబు దాడి ప్లాన్ చేస్తాడు యతి అనే  గ్యాంగస్టర్. దాంతో  శివం (అజయ్) తన టీమ్ తో కలిపి యతి కోసం వెతుకుతూ ఆంధ్ర,తమిళనాడు బోర్డర్ లోని రత్నగిరి వెళ్తాడు.  అక్కడ యతి కోసం వెతుకుతుంటే.. ముందు మీరు దేవర (ఎన్టీఆర్) గురించి తెలుసుకోవాలంటూ సింగప్ప(ప్రకాష్ రాజ్) అంటాడు. 12 ఏళ్ళ క్రింతం ఆ ప్రాంతంలో భయమంటే ఏంటో చూపించిన  దేవర గురించి చెప్పటం మొదలెడతాడు. దేవర మామూలోడు కాదు. చిన్నప్పుడే సొర చేపను చంపి ఒడ్డుకు తెస్తాడు. 

తన వాళ్లు  రాయప్ప(శ్రీకాంత్), భైరా (సైఫ్ అలీఖాన్), కుంజ (కళయరసన్), కోర (షేన్ చామ్ టాకో) తో కలిసి సముద్రంపై వేటకు వెళ్తుంటాడు. అయితే జీవితం ఎక్కవ వేసిన గొంగళి అక్కడే అన్నట్లు ఉంటుంది. ఈ క్రమంలో వారికి మురగ (మురశీ శర్మ) పరిచయం అయ్యి వారికి భారీగా డబ్బు ఆశ పెట్టి ఓ పని ఇస్తాడు. అదేమిటంటే సముద్రంలో వెళ్లే పెద్ద పెద్ద షిప్స్ నుంచి అధికారుల కళ్లు గప్పి సరుకును దొంగలించడం. వీళ్లకు మురగ ఇచ్చే ఆఫర్ నచ్చి  అదే పని మీద ఉంటారు. 

అయితే  దేవర ఓ సారి ఒక దొంగతనం చేస్తున్న సమయంలో మనసు మార్చుకుంటాడు.  ఇక దొంగతనం చేయకూడదని నిర్ణయించుకుంటాడు. తన వాళ్లకు చెప్తాడు .మురుగ ఇచ్చే పని కోసం సముద్రం పైకి వెళ్ల కూడదని దేవర ఆంక్షలు విధిస్తాడు. , కానీ వాళ్లు వినరు. అప్పుడు అయినా వినని వారిని భయపెడతాడు.

ఎంతలా అంటే ఆ భయం దెబ్బకు వాళ్ళు మళ్లీ  సముద్రంలోకి వెళ్లాలంటే భయపడాలని. అయితే ఇదంతా నచ్చని  దేవరను మట్టు పెట్టడానికి భైర ఓ ప్లాన్ వేస్తాడు. ఆ  ప్లాన్ ఏమిటి, దేవర తన వాళ్లను భయపెట్టడానికి ఏం చేసాడు. ధైర్యవంతుడైన  దేవర కొడుకు వరా (ఎన్టీఆర్) ఎందుకు భయస్తుడిగా మారాడు? కథలో తంగం(జాన్వీ కపూర్) పాత్ర ఏమిటి?  చివరికి శివంకి యతి దొరికాడా? లేదా? అనే విషయాలు తెలియాలంటే సినిమా చూడాల్సిందే.

ఎలా ఉంది...
కొరటాల శివ దర్శకుడుగా కంటే రైటర్ గా ఎక్కువ మార్కులు వేయించుకుంటారు.  అయితే ప్రస్తుతం నడుస్తున్న ఎలివేషన్ ట్రెండ్ లోనే ఓపెన్ చేసాడు.  కథను నడిపే విధానం, సీన్స్ డిజైన్ చేసిన విధానం చాలా ఇంట్రస్టింగ్ గా అనిపిస్తుంది. కథలో టెన్షన్ ఎలిమెంట్స్ పెట్టి ఎక్కడా డ్రాప్ అవకుండా ఉండేలా ప్లాన్ చేసారు. యతి అనే గ్యాంగస్టర్ తో కథ మొదలెట్టి, దేవర పాత్రని పట్టుకుని కథలోకి వెళ్లటం టెక్నిక్ బాగుంటుంది.

అందుకే ఫస్టాప్ పరుగెడుతుంది. అయితే సెకండాఫ్ కు వచ్చేసరికి ఎన్టీఆర్ తో రొమాంటిక్ సీన్స్ ప్లాన్ చేసారు. అప్పటిదాకా భారీ యాక్షన్ సీక్వెన్స్ లు చూసి ఒక్కసారి కథ జానర్ మారినట్లుగా రొమాంటిక్ మూడ్ లోకి రావటం కాస్త ఇబ్బది పెడుతుంది. అక్కడ డ్రాప్ అయితేనే ప్రీ క్లైమాక్స్, క్లైమాక్స్ ఎలివేట్ అవుతుందని ఇలా చేసారనిపిస్తుంది. క్లైమాక్స్ లో ట్విస్ట్ లు కూడా బాగా పేలాయి. 

అయితే దేవర పాత్రను , అతని సమస్యను  పరిచయం చేయటానికే దాదాపు ఫస్టాఫ్ వాడుకున్నారు.  ఎంగేజింగ్ గా యాక్షన్ సీన్స్ తో వెళ్లిపోవటంతో సమస్య రాలేదు కానీ లేకపోతే ఇబ్బంది అయ్యిపోయేది. ప్రీ ఇంటర్వెల్ నుంచి  ఇంటర్వెల్  బ్లాక్ దాకా సినిమా నెక్ట్స్ లెవిల్ అనిపిస్తుంది. అందుకే ఇంటర్వెల్ చూసి బయిటకు వెళ్లి వచ్చిన ప్రేక్షకుడు అంతకు మించి ఎక్సపెక్ట్ చేస్తే రెండో ఎన్టీఆర్ వర పాత్రతో సెకండాఫ్ ప్రారంభమై ,లవ్ స్టోరీతో నడుస్తూ స్పీడు తగ్గిపోయినట్లు అనిపిస్తుంది.

జాన్వి కపూర్ పాత్ర ను, ఆమెను ప్రెజెంట్ చేసిన విధానం కాస్త వెనక రోజులకు వెళ్లినట్లు అనిపించినా సాంగ్స్ బాగుండటం కలిసొచ్చింది.  ఫస్టాప్ ఉన్నట్లు సెకండాఫ్ లేకపోవడంతో ఆడియెన్స్ లో నిరాశ కలుగుతుంది. కథ పరంగానూ ఎంచుకున్న నేపథ్యం వేరుగానీ, స్క్రీన్‌ ప్లే పరంగా రొటీన్‌గానే ఉంటుంది. ముందుగా ఊహించినట్టుగానే సీన్లు ఉండటం పెద్ద మైనస్‌. దేవరని చంపేసేందుకు భైర చేసే ప్లాన్‌ అవన్నీ రొటీన్‌గానే ఉంటుంది. దాన్ని నడిపించిన తీరులో కూడా కొత్తదనం లేదు.

`ఆచార్య`లో పాదగట్టం, `దేవర`లో ఎర్రసముద్రం అంతే తేడా అనేలా ఉంది. కొరటాల గత చిత్రాల మార్క్  చూపించలేకపోయాడు. హీరోయిజానికి ఎక్కువ ప్రయారిటీ ఇచ్చే క్రమంలో అసలు కథ పలుచనైపోయింది. పైగా ఊహించేలా స్క్రీన్‌ ప్లే ఉండటం పెద్ద మైనస్‌. బాహుబలిని గుర్తు చేసేలా క్లైమాక్స్ లో సెకండ్ పార్ట్ కు లీడ్ వదిలిన విధానం బాగుంది. కానీ అందులోనే హింట్‌ ఇచ్చాడు. ఇప్పటికే బయట జరుగుతున్న ప్రచారానికి బలం చేకూరేలా ట్విస్ట్ ఉండటంతో అసలు లీక్‌ని దర్శకుడే ఇచ్చాడనే ఫీలింగ్‌ కలుగుతుంది. దీంతో క్లైమాక్స్ ట్విస్ట్ కూడా తేలిపోయిందనే చెప్పాలి. 

టెక్నికల్ గా... 
ఎన్టీఆర్, కొరటాల శివ స్దాయి స్టార్ కాంబినేషన్ లో వచ్చిన  సినిమాకు టెక్నికల్ గా లోటేముంటుంది. అందులోనూ ఇండస్ట్రీ టాప్ టెక్నీషియన్స్ ఈ సినిమాకు పనిచేసారు.  అయితే ప్రత్యేకంగా మెచ్చుకోవాల్సింది యాక్షన్ కొరియోగ్రఫీ, అనిరిధ్ బ్యాక్ గ్రౌండ్ స్కోర్, రత్నవేలు కెమెరావర్క్. సముద్రం ఎన్ని సార్లు చూసినా అదే అయినా దాన్ని ఎప్పటికప్పుడు  డిఫరెంట్ గా ప్రెజెంట్ చేయటం బాగుంది.

అలాగే కొరటాల  డిజైన్ చేసిన సీన్స్ అనిరుథ్‌ ఎలివేట్‌ చేశాడు. కానీ కథలో బలం లేకపోవడం వల్ల ఏం చేసినా అది చప్పగానే మారిపోయింది. పాటల్లో  ఇప్పటికే రెండు సూపర్ హిట్స్. కొరటాల డైలాగ్స్ గురించి కొత్తగా చెప్పదేముంది. మిగతా క్రాప్ట్ కూడా సినిమాకు బాగా కలిసొచ్చాయి. ప్రొడక్షన్ వాల్యూస్ బాగున్నాయి. టెక్నికల్‌గా సినిమా బాగుంది. కానీ దానికి కథ, స్క్రీన్‌ ప్లే కూడా బలంగా ఉంటే సినిమా బాగుండేది. కానీ కొరటాల తన మార్క్ ని మిస్‌ అయ్యాడు. 

ఎన్టీఆర్ ఎలా చేసారంటే...
ఈ సినిమా ఎన్టీఆర్ కెరీర్ లో ప్రత్యేకంగా గుర్తుండిపోయేలా ఆయన తన పాత్రను ఓన్ చేసుకుని చేసుకుంటూ వెళ్లిపోయారు. తండ్రిగా,కొడుకుగా లుక్స్ లో పెద్ద తేడా లేకపోయినా, నటనలో వైవిధ్యం చూపించారు. దేవరగా చాలా కాలం ఎన్టీఆర్ గుర్తుంటారు. సైఫ్ ...ఎన్టీఆర్ కు పోటీ గా చేసారు. జాన్వీ గ్లామర్ కే పరిమితం అయ్యింది. మిగతా పాత్రల్లో శ్రీకాంత్, చాకో  గుర్తుంటారు.

ప్లస్ లు... 
ఫస్టాఫ్
ఎన్టీఆర్ అదిరిపోయే  పర్‌ఫెర్మెన్స్ 
యాక్షన్ సీక్వెన్స్ లు
రత్నవేలు ఫోటోగ్రఫీ, అనిరుద్ రవిచంద్రన్  బ్యాక్గ్రౌండ్ స్కోర్

మైనస్ లు...
రొటీన్ గా అనిపించి స్టోరీ 
సాగినట్లు అనిపించిన సెకండాఫ్
ఊహించేలా ఉండే స్క్రీన్‌ప్లే
జాన్వీ కపూర్ పాత్ర అనుకున్న స్దాయిలో లేదనిపించటం
సెకండ్ పార్ట్ కు లీడ్ తేలిపోవడం
పూర్తి కథని చూసిన ఫీలింగ్‌ మిస్‌ కావడం

ఫైనల్ థాట్...
దేవర... ఎన్టీఆర్ సినిమాగా ఓ మెట్టు పైనే ఉంది. అయితే  ఎన్టీఆర్ ని ప్రక్కన పెట్టి చూస్తే  కథలో  పెద్దగా ట్విస్ట్ లు కనిపించవు, కొన్ని చోట్ల పాత  సీన్స్ తో , రొటీన్ గా వెళ్తున్నట్లు అనిపిస్తుంది. సెకండాఫ్ అయితే మరీను.. అయితే ఓవరాల్ గా  చూస్తే  ఫర్వాలేదు. కానీ ఎన్టీఆర్‌ రేంజ్‌ మూవీ అనిపించుకోదు. ఇక  తెలుగు రాష్ట్రాలతో  పాటు  పాన్‌ ఇండియా మార్కెట్ ని టార్గెట్ చేసిన ఈ సినిమా అక్కడ  ఏ మేరకు నిలదొక్కుకుంటుంది, ఎంత పే చేసి ముందుకు వెళ్తుందనేదే అసలైన క్వచ్చిన్. 

Rating: 2.5
బ్యానర్: ఎన్టీఆర్ ఆర్ట్స్ 
నటీనటులు: జూనియర్ ఎన్టీఆర్, జాన్వీ కపూర్, సైఫ్ ఆలీ ఖాన్, శ్రీకాంత్, అజయ్, ప్రకాశ్ రాజ్, మురళీ శర్మ తదితరులు
 సంగీతం: అనిరుధ్ 
సినిమాటోగ్రఫి: రత్నవేలు 
ఎడిటర్: శ్రీకర ప్రసాద్
 ప్రొడక్షన్ డిజైనర్: సాబు సిరిల్  
రచన, దర్శకత్వం: కొరటాల శివ 
నిర్మాతలు: నందమూరి కల్యాణ్ రామ్

‘దేవర’ విడుదలకు ముందే యంగ్ టైగర్ ఎన్టీఆర్ రికార్డులతో హోరెత్తిస్తున్నాడు. తాజాగా ఓవర్సీస్‌లో అరుదైన రికార్డు నమోదు చేశాడు.

నార్త్‌ అమెరికాలో దేవర ప్రీ సేల్స్‌లో 2 మిలియన్‌ డాలర్ల మార్క్‌ను దాటి టాక్ ఆఫ్‌ ది ఇండస్ట్రీగా నిలిచాడు. వరుసగా రెండు సినిమాలతో ఈ ఫిగర్‌ను దాటిన తొలి భారతీయ హీరోగా అదిరిపోయే ఫీట్‌ను సొంతం చేసుకున్నాడు. ఇక, యూఎస్‌ఏలో దేవర ప్రీమియర్స్‌ సెప్టెంబర్ 26ను ప్రారంభం కానున్నాయి.

వెంకటేష్‌-అనిల్ రావిపూడి మూవీ సెట్స్‌లో సంద‌డి చేసిన‌ బాల‌కృష్ణ. టాలీవుడ్ సీనియర్ నటులు నందమూరి బాలకృష్ణ, విక్టరీ వెంకటేష్‌లు ఒకే చోట కలుసుకున్నారు.

రామోజీ ఫిలిం సిటీ వేదిక‌గా అనిల్ రావిపూడి, వెంకటేశ్ ప్రాజెక్ట్ షూటింగ్ జ‌రుగుతుండ‌గా.. ఈ షూటింగ్ సెట్స్‌లో బాల‌య్య సంద‌డి చేశాడు. భ‌గవంత్ కేస‌రితో బ్లాక్ బ‌స్ట‌ర్ అందుకున్న ద‌ర్శ‌కుడు అనిల్ రావిపూడి కొత్త ప్రాజెక్ట్ మొద‌లుపెట్టిన విష‌యం తెలిసిందే. వెంక‌టేశ్, అనిల్ రావిపూడి కాంబోలో ఈ మూవీ తెర‌కెక్కబోతుంది.

నటి కంగనా రనౌత్ ఉన్నచోటుకు వివాదాలు వస్తాయో లేక వివాదాలను వెతుకుంటూ కంగనా వెళ్తారో కానీ.. కంగనా, కాంట్రవర్శీలు ఎప్పుడూ కలిసే ఉంటాయి. తాజాగా ఆమె స్వీయదర్శకత్వంలో నటించిన ఎమర్జెన్సీ మూవీ..వివాదాలకు కేరాఫ్‌గా మారింది. నిత్యం వివాదాలతో సహవాసం చేసే కంగనా.. ఎమర్జెన్సీ మూవీతో మారోసారి కంట్రావర్సీకి కేరాఫ్‌గా మారారు.

ఈ మూవీని ఎట్టి పరిస్థితుల్లోనూ అడ్డుకుంటామని ఓ వర్గం హెచ్చరిస్తుంటే.. కంగనా మాత్రం తగ్గేదే లేదంటూ కౌంటర్‌ ఇస్తున్నారు. మరోవైపు తెలంగాణతో పాటు పలు రాష్ట్రాల్లో "ఎమర్జెన్సీ" మూవీని బ్యాన్‌ చేసే దిశగా అడుగులు పడుతున్నాయి. మాజీ ప్రధాని ఇందిరాగాంధీ రాజకీయ జీవితం ఆధారంగా "ఎమర్జెన్సీ" మూవీని తెరకెక్కించారు. ఇందులో కంగనా రనౌత్‌ కథానాయిక. అనుపమ్‌ ఖేర్‌, మహిమా చౌదరి కీలక పాత్రలు పోషించారు. సెప్టెంబర్‌ 6న మూవీని విడుదల చేసేందుకు చిత్ర యూనిట్‌ సన్నాహాలు చేస్తోంది. అయితే ఈ చిత్రంలో తమని తప్పుగా చూపించారని సిక్కులు ఆరోపిస్తున్నారు. ఈ సినిమా రిలీజ్‌పై బ్యాన్‌ విధించాలని డిమాండ్‌ చేస్తున్నారు. మరోవైపు సినిమాను రిలీజ్‌ చేస్తే చంపేస్తామంటూ కంగనకు బెదిరింపులు కూడా వస్తున్నాయి. అయితే ఎన్ని ఆరోపణలు ఎదురైనా.. బెదిరింపులు వచ్చినా భయపడే ప్రసక్తే లేదంటున్నారు కంగనా. ఎట్టి పరిస్థితుల్లోనూ సినిమాను రిలీజ్‌ చేసి తీరుతానని, ఎవరు అడ్డుకుంటారో చూస్తానంటూ కౌంటర్‌ ఇస్తున్నారు.

ఇంత జరుగుతున్నప్పటికి బాలీవుడ్‌ నుంచి తనకు మద్దతు లభించడం లేదని ఆవేదన వ్యక్తం చేస్తున్నారు కంగనా. బాలీవుడ్‌లో టాలెంట్‌ ఉన్నవారికి  ఎలాంటి గుర్తింపు లభించదని, ఇదొక నిస్సాహాయ ప్రదేశమని సంచలన వ్యాఖ్యలు చేశారు. కంగనా తెరకెక్కించిన ఎమర్జెన్సీ చిత్రాన్ని.. తెలంగాణ కాంగ్రెస్‌ నేతలు కూడా తీవ్రంగా వ్యతిరేకిస్తున్నారు. ఇందిరాగాంధీ కుటుంబాన్ని ప్రజలకు దూరం చేయాలని ప్రధాని మోదీ ప్రయత్నిస్తున్నారని, కాంగ్రెస్‌ నేతలు మండిపడుతున్నారు. కాంగ్రెస్‌ను నేరుగా ఎదుర్కోలేక కంగనా రూపంలో బీజేపీ కుట్రలు చేస్తోందని ఆరోపిస్తున్నారు హస్తం పార్టీ నేతలు.కెరీర్‌ ఆరంభంలో ఆఫర్స్‌ లేక తాను తీవ్ర ఇబ్బందులు పడ్డానని, ఓ దశలో విదేశాలకు కూడా వెళ్లిపోవాలనుకున్నానంటూ కామెంట్స్‌ చేశారు.

అలాగే తన సినిమాకు ఇంకా సెన్సార్‌ సర్టిఫికేట్‌ రాకపోవడంపై కూడా అసహనం వ్యక్తం చేస్తున్నారు కంగనా. తన సినిమా కోసం ఎలాంటి పోరాటం చేయడానికైనా సిద్ధమేనని..అవసరమైతే న్యాయస్థానాన్ని ఆశ్రయిస్తానని ప్రకటించారు.యాక్టర్‌ నుండి పొలిటిషియన్‌గా మారిన కంగనాకు వివాదాలు కొత్త కాదు. బంగ్లాదేశ్‌ ఆందోళకారులతో రైతులను కంగనా పోల్చడంపై ఇటీవల దుమారం చెలరేగింది. గతంలో కూడా సాగు చట్టాలను వ్యతిరేకించిన వాళ్లను, ఉగ్రవాదులతో పోల్చారు కంగనా. రైతుల నిరసనల వెనుక విదేశీ కుట్ర ఉందంటూ ఆరోపించారు. ప్రభాస్ ఏక్ నిరంజన్ తో మనకు పరిచయమైనా పూర్తిగా హిందీ సినిమాలకే పరిమితమైన కంగనా రౌనత్ క్రిష్ దర్శకత్వం వహించిన మణికర్ణికతో మనకు మరింత దగ్గరయ్యింది. ఫైర్ బ్రాండ్ గా పేరున్న ఈ ఉంగరాల జుత్తు అమ్మాయి స్వంతంగా డైరెక్ట్ చేసిన మూవీ ఎమర్జెన్సీ. సెప్టెంబర్ 6 విడుదల కావాల్సిన ఈ చిత్రానికి వివాదాలు చుట్టుముట్టాయి.

ఇందిరాగాంధీ 1975 నుంచి 1977 వరకు విధించిన అత్యయిక పరిస్థితి దేశంలో తీవ్ర అలజడికి దారి తీసింది. పౌర హక్కులను అడ్డుకునే చట్టం కావడంతో పాటు ఎన్నికలను సైతం నిలిపేసే వ్యవస్థను తేవడంతో ఒక్కసారిగా కలకలం రేగింది.ఎమర్జెన్సీ నడిచిన 21 నెలల పాటు ఎదురుకున్న ఆనాటి స్థితిగతులను కళ్ళకు కట్టినట్టు చూపాలనే ఉద్దేశంతో కంగన రౌనత్ దాన్ని అదే టైటిల్ తో తెరకెక్కించింది. అప్పట్లో పలు వివాదాలకు కేంద్ర బిందువుగా నిలిచిన ఇందిరాగాంధీ కొడుకు సంజయ్ గాంధీ గురించి కూడా ఇందులో కీలక ప్రస్తావన ఉందట. సదరు నటుడికి బెదిరింపు కాల్స్ వచ్చాయి. సహజంగానే కాంగ్రెస్ పార్టీ నుంచి ఈ సినిమా పట్ల తీవ్ర వ్యతిరేకత ఎదురవుతోంది. పలు మైనారిటీ వర్గాలతో పాటు పంజాబ్ కు చెందిన కుల సంఘాలు ఎమర్జెన్సీని నిషేదించాలని ఆర్జీలు పెట్టుకున్నాయి. సెన్సార్ బోర్డు సైతం ఇందులో సున్నితత్వాన్ని గుర్తించింది.గతంలో ఇదే తరహాలో ఇందూ సర్కార్ అనే మూవీ వచ్చింది.

కానీ స్టార్ క్యాస్టింగ్ లేకపోవడంతో పాటు తీసిన విధానం ఆసక్తికరంగా లేకపోవడంతో ఫ్లాప్ అయ్యింది. అందుకే ఎక్కువ కాంట్రావర్సికి చోటు దక్కలేదు. కానీ ఇప్పుడు కంగనా రౌనత్ లాంటి పేరున్న ఆర్టిస్ట్ తీయడంతో ఎక్కడ లేని ప్రచారం వచ్చేసింది. అధికారంలో ఉన్నది బిజెపి ప్రభుత్వం కాబట్టి క్లియరెన్స్ వస్తుందనే కామెంట్ల నేపథ్యంలో ఒకవేళ వివాదం కోర్టు మెట్లు ఎక్కితే ఎలాంటి తీర్పు వస్తుందో చూడాలి. మోక్షం దక్కించుకుని బయటికి వచ్చాక నిజంగా ఊహించినట్టు వివాదాస్పద అంశాలు ఉంటే మాత్రం కంగనాకు ఇబ్బందే.కేంద్ర తీసుకున్న చర్యల వల్లే పరిస్థితి అదుపులో ఉందని, లేకుంటే దేశంలో బంగ్లాదేశ్‌ తరహా పరిస్థితికి దారి తీసేదని తీవ్ర వ్యాఖ్యలు చేశారు కంగనా.కంగనా వ్యాఖ్యలతో భగ్గుమన్నారు కాంగ్రెస్‌ నేతలు. రైతులను ఉగ్రవాదులతో పోల్చిన కంగనాను, బీజేపీ నుంచి బహిష్కరించాలని డిమాండ్‌ చేశారు.

దీంతో రంగంలోకి దిగిన బీజేపీ హైకమాండ్‌.. కంగనా వ్యాఖ్యలతో పార్టీకి సంబంధం లేదని వివరణ ఇచ్చింది. రైతులపై కంగనా చేసిన వ్యాఖ్యలపై తీవ్ర ఆగ్రహం వ్యక్తం చేసిన బీజేపీ, భవిష్యత్‌లో ఇలాంటి కామెంట్స్‌ చేయవద్దని హెచ్చరించింది. ఆ వివాదం సద్దుమణిగిందో లేదో, ఎమర్జెన్సీ మూవీతో మరోసారి కాంట్రవర్సీలో చిక్కుకున్నారు నటి, బీజేపీ ఎంపీ కంగనా రనౌత్.ఎట్టి పరిస్థితుల్లోనూ సినిమాను రిలీజ్‌ చేసి తీరుతానని, ఎవరు అడ్డుకుంటారో చూస్తానంటూ కౌంటర్‌ ఇస్తున్నారు.

- జయభేరి, హైదరాబాద్ :
ప్రస్తుతం నాగ చైతన్య, శోభిత నిశ్చితార్థం సోషల్ మీడియాలో సందడి చేస్తోంది. నేషనల్ వైడ్ ట్రెండింగ్ మరియు ప్రతి పరిశ్రమలో హాట్ టాపిక్‌గా మారింది. ఎవరి నోట వినిపించినా ఇప్పుడు ఈ జంట, సమంతల పేరు వినిపిస్తుండడంతో వీరి ఎఫైర్ జోరుగా చర్చనీయాంశమైంది. తాజాగా ప్రముఖ సినీ జ్యోతిష్యుడు వేణు స్వామి ఈ విషయంలో ఎంట్రీ ఇచ్చి ఈ ఎంగేజ్‌మెంట్ వార్తను మరింత ఆసక్తికరంగా మార్చారు.

అయితే ఈరోజు ఉదయం ఆయన చెప్పినట్టుగానే ఇద్దరి జాతకానికి సంబంధించిన వీడియోను విడుదల చేశారు. వారి జాతకం బాగోలేదని వ్యాఖ్యానించారు. సమంత జాతకం కంటే శోభిత జాతకం బాగోలేదని, 2027 వరకు బాగానే ఉన్నా ఈ మూడేళ్ల తర్వాత చైతూ, శోభితలకు ఓ మహిళ వల్ల సమస్యలు, గొడవలు తప్పవని అన్నారు. అలాగే తమ నిశ్చితార్థం ముహూర్తం, జన్మ నక్షత్రం వివరాలను పరిశీలిస్తే తాము అస్సలు కలిసి ఉండలేమని, కచ్చితంగా విడిపోతామని వేణు స్వామి తెలిపారు.

తమ నిశ్చితార్థం ఎప్పుడు జరిగిందో జ్యోతిష్యుడు కూడా కచ్చితంగా చెప్పగలడని ఆయన అన్నారు. ఉత్తరా నక్షత్రంలో వీరి నిశ్చితార్థం జరిగింది. నాగ చైతన్య రాశికి కర్కాటక రాశి. శోభిత ధూళిపాళాడి ధనుస్సు రాశి, ఇందులో నాగ చైతన్యకు 6 పాయింట్లు, శోభితకు 8 పాయింట్లు వచ్చాయి. శోభిత జాతకంలో శని దృష్టి శుక్రుడు, గురువులతో పాటు అంగారకుడిపై ఉంటుంది. ఇద్దరి జాతకాల్లోనూ ఆరుద్రలు ఉన్నాయన్నారు. నాకు కావాలి అని చెప్పినట్లు జాతకం ఫీలవ్వాలని కోరుకుంటున్నానని, తెలియక చెప్పడం లేదని అన్నారు.

ఇండియా వాణిజ్య న‌గ‌రం ముంబైలో భారీ బ‌డ్జెట్ యాక్ష‌న్ థ్రిల్ల‌ర్ ‘మార్టిన్’ ట్రైల‌ర్‌ను గ్రాండ్ రిలీజ్ చేశారు. ధృవ హీరోగా న‌టించిన ఈ సినిమా ట్రైల‌ర్ లాంచ్ వేడుక‌కు ఇండియాలోని టాప్ క్రిటిక్స్‌, జర్న‌లిస్టులు హాజ‌ర‌య్యారు. ఈవెంట్‌ను చాలా గ్రాండ్‌గా, స‌క్సెస్‌ఫుల్‌గా నిర్వ‌హించారు.

ఈ కార్యక్రమంలో ప్రపంచ వేదికపై భారతీయ చిత్రాలకు సంబంధించిన‌ కొత్త కోణాలను, అవకాశాలను అద్భుతంగా హైలైట్ చేస్తూ ప్ర‌ద‌ర్శించారు. ‘మార్టిన్’ సినిమా గురించి చెప్పాలంటే మూవీ ట్రైలర్ అద్భుతంగా ప్రేక్ష‌కుల‌ను ఆక‌ట్టుకుంది. భ‌విష్య‌త్ సినిమాకు ఓ బెంచ్ మార్క్ సెట్ చేసేలా సినిమాను రూపొందించిన‌ట్లు ట్రైల‌ర్ చూస్తుంటే అర్థ‌మ‌వుతుంది.
మార్టిన్ మూవీ ట్రైల‌ర్‌ను గ్రాండ్ లెవ‌ల్లో విడుద‌ల చేయ‌టానికి కార‌ణం విజువ‌ల్‌గా ఇండియ‌న్ సినిమా ఎంత గొప్ప సినిమాల‌ను రూపొందిస్తుంద‌నే విష‌యాన్ని ప్ర‌పంచానికి తెలియ‌జేయ‌ట‌మే.

ఎంతో ఘ‌నంగా జ‌రిగిన ఈ వేడుక భార‌తీయ సినిమా అభివృద్ధి చెందిన తీరుని, ఆ ప్ర‌భావం ఇత‌ర సినిమాల‌పై ఎలా ఉంద‌నే విష‌యాన్ని బ‌లంగా చెప్ప‌ట‌మే. అంతే కాకుండా నిర్మాత‌లు అన్‌కాంప్ర‌మైజ్డ్‌గా అంత‌ర్జాతీయ సినీ ప్రేక్ష‌కుల‌ను ఆక‌ట్టుకునేలా సినిమాను నిర్మించార‌నే విష‌యాన్ని స్ప‌ష్టం చేయ‌ట‌మే ఈ వేడుక ఉద్దేశం. ప్రపంచ సినిమాలో మ‌న ఇండియ‌న్ సినిమా ప్ర‌భావాన్ని, సృజ‌నాత్మ‌క‌త‌ను బ‌లంగా చెప్ప‌ట‌మే ఈ ఈవెంట్ ల‌క్ష్యం. భార‌తీయ సినిమాలో ఇది కొత్త శ‌కాన్ని సూచిస్తుంది.

ఉత్తమ చిత్రం: బలగం..

ఉత్తమ దర్శకుడు: వేణు ఎల్దండి (బలగం)..

ఉత్తమ నటుడు: నాని (దసరా)..

ఉత్తమ నటి: కీర్తి సురేష్ (దసరా)..

ఉత్తమ తొలి చిత్ర దర్శకుడు: శ్రీకాంత్ ఓదెల (దసరా), శౌర్యూవ్ (హాయ్ నాన్న)..

ఉత్తమ చిత్రం (క్రిటిక్స్): బేబి..

ఉత్తమ నటుడు (క్రిటిక్స్): నవీన్ పోలిశెట్టి (మిస్ శెట్టి మిస్టర్ పోలిశెట్టి), ప్రకాశ్ రాజ్ (రంగమార్తాండ)..

ఉత్తమ నటి (క్రిటిక్స్): వైష్ణవి చైతన్య (బేబి)..

ఉత్తమ సహాయ నటుడు: రవితేజ (వాల్తేరు వీరయ్య), బ్రహ్మానందం (రంగమార్తాండ)..

ఉత్తమ సహాయ నటి: రూపలక్ష్మి (బలగం)..

ఉత్తమ సంగీత దర్శకుడు: విజయ్ బుల్గానిన్ (బేబి)..

ఉత్తమ గేయ రచయిత: ఆనంత్ శ్రీరామ్ (బేబి - ఓ రెండు ప్రేమ మేఘాలిలా)..

ఉత్తమ గాయకుడు: శ్రీరామచంద్ర (బేబి - ఓ రెండు ప్రేమ మేఘాలిలా)..

ఉత్తమ గాయని: శ్వేత మోహన్ (సార్ - మాస్టారు మాస్టారు)..

ఉత్తమ నృత్య దర్శకుడు: ప్రేమ్ రక్షిత్ (దసరా - ధూమ్ ధామ్ దోస్తాన్)..

ఉత్తమ సినిమాటోగ్రాఫర్: సత్యన్ సూరన్ (దసరా)..

ఉత్తమ ప్రొడక్షన్ డిజైన్: కొల్ల అవినాష్ (దసరా)..

హీరో కార్తి 'సర్దార్' సినిమా తమిళం, తెలుగు భాషల్లో బ్లాక్ బస్టర్ హిట్ అయ్యింది. ఇటివలే సర్దార్ 2 రెగ్యులర్ షూటింగ్ చెన్నైలో భారీ సెట్స్‌లో ప్రారంభమైయింది. ప్రీక్వెల్‌కి దర్శకత్వం వహించిన పిఎస్ మిత్రన్ సర్దార్ 2కి దర్శకత్వం వహిస్తున్నారు.

ప్రిన్స్ పిక్చర్స్ నిర్మించనుంది. తాజాగా మేకర్స్ ఓ క్రేజీ అప్డేట్ ఇచ్చారు. ఈ చిత్రంలో బ్యూటీఫుల్ అండ్ ట్యాలెంటెడ్ మాళవిక మోహన్ హీరోయిన్ గా నటిస్తున్నట్లు మేకర్స్ అనౌన్స్ చేశారు. ఈ చిత్రంలో ఎస్ జె సూర్య ఓ పవర్ ఫుల్ పాత్రలో నటిస్తున్నారు. సర్దార్ 2 భారీ బడ్జెట్‌తో హ్యుజ్ స్కేల్ లోతెరకెక్కతోంది. ఈ సినిమాకి టాప్ టెక్నిషియన్స్ పని చేస్తున్నారు.

సర్దార్ 2 చిత్రానికి యువన్ శంకర్ రాజా సంగీతం అందించనున్నారు. జార్జ్ సి విలియమ్స్ ఫోటోగ్రఫీ డైరెక్టర్, దిలీప్ సుబ్బరాయన్ స్టంట్ డైరెక్టర్. రాజీవ్ నంబియార్ ప్రొడక్షన్ డిజైనర్.విజయ్ వేలుకుట్టి ఎడిటర్. AP పాల్ పాండి ప్రొడక్షన్ ఎగ్జిక్యూటివ్. ఎ వెంకటేష్ సహ నిర్మాతగా, ఎస్. లక్ష్మణ్ కుమార్ నిర్మాతగా వ్యవహరిస్తున్నారు. తారాగణం: కార్తి, ఎస్ జె సూర్య, మాళవిక మోహన్

మెంటల్ మాస్ మ్యాడ్‌నెస్‌ను చూడటానికి సిద్ధంగా ఉండండి, ఉస్తాద్ రామ్ పోతినేని, డైనమిక్ డైరెక్టర్ పూరీ జగన్నాధ్ మోస్ట్ ఎవెయిటింగ్ హై-బడ్జెట్ పాన్ ఇండియా మూవీ డబుల్ ఇస్మార్ట్ థియేట్రికల్ ట్రైలర్ ఆగస్ట్ 4న విడుదల కానుంది. ట్రైలర్ లాంచ్ ఈవెంట్ వైజాగ్‌లోని గురజాడ కళాక్షేత్రంలో జరగనుంది.

టీజర్, పాటలకు అద్భుతమైన రెస్పాన్స్ రావడంతో ట్రైలర్ పై ఎక్సయిట్మెంట్ నెక్స్ట్ లెవల్ లో చేరుకుంది.  ట్రైలర్ ప్రేక్షకులను ఆకట్టుకునేలా, మూవీకి మరింత బజ్‌ని క్రియేట్ చేస్తోందని ప్రామిస్ చేయనుంది.  డబుల్ ఇస్మార్ట్‌ను పూరి కనెక్ట్స్ బ్యానర్‌పై పూరి జగన్నాధ్, ఛార్మి కౌర్ నిర్మించారు. ఈ చిత్రంలో సంజయ్ దత్, కావ్యా థాపర్ ఇతర ప్రధాన పాత్రల్లో నటిస్తున్నారు.

ఈ చిత్రానికి సంగీతం మణిశర్మ అందించగా, డీవోపీగా సామ్ కె నాయుడు, జియాని జియానెలీ పని చేస్తున్నారు.డబుల్ ఇస్మార్ట్ ఆగస్టు 15న స్వాతంత్ర్య దినోత్సవం రోజున తెలుగు, తమిళం, కన్నడ, మలయాళం, హిందీ భాషల్లో ప్రపంచవ్యాప్తంగా థియేటర్లలో విడుదల కానుంది. నటీనటులు: రామ్ పోతినేని, సంజయ్ దత్, కావ్య థాపర్, అలీ, గెటప్ శ్రీను తదితరులు.